এইখন অসমতেই সংঘটিত হৈছে আন এক নিকৃষ্ট ঘটনা৷ নিশাৰ এন্ধাৰত স্বামীৰ গুপ্তাঙ্গ ছেদ কৰি পত্নীয়ে কৰে পলায়ন৷ এই পাশৱিক ঘটনা সংঘটিত হৈছে ধুবুৰী জিলাৰ গৌৰীপুৰ বাঘমাৰাত৷ কাৰেণ্ট ট্ৰেণ্ড অসমৰ ধুবুৰী জিলাৰ সংবাদদাতা ওমৰ ফাৰুকে প্ৰেৰণ কৰা খবৰ অনুসৰি, বাঘমাৰাৰ ২৮ বছৰীয়া অজেদ আলীৰ সৈতে সংঘটিত হয় এই ঘটনা৷

অজেদ আলীৰ পত্নী হালিমা খাতুনে এন্ধাৰৰ সুযোগ লৈ নতুন ব্লেডেৰে ৰেপি অজেদ আলীৰ গুপ্তাঙ্গ ছেদ কৰে৷ কি কাৰণত অজেদ আলীৰ পত্নী হালিমা খাতুনে এই ঘটনা সংঘটিত কৰে তাৰ প্ৰকৃত ৰহস্য বৰ্তমানো ভেদ হোৱা নাই যদিও গুৰুতৰভাৱে আঘাতপ্ৰাপ্ত অজেদ আলীক ততাতৈয়াকৈ ধুবুৰী চিকিৎসা মহাবিদ্যালয়লৈ প্ৰেৰণ কৰা হয়, পৰৱৰ্তী পৰ্যায়ত ভুক্তভোগী অজেদ আলীৰ পৰিয়ালবৰ্গই ঘটনা সন্দৰ্ভত গৌৰীপুৰ আৰক্ষী থানাত এজাহাৰ দাখিল কৰে৷ খবৰ অনুসৰি, আৰক্ষীৰ তদন্তত হে পোহৰলৈ আহিব উৰহী গছৰ ওৰ৷ ঘটনাক কেন্দ্ৰ কৰি সমগ্ৰ বাঘমাৰা অঞ্চলতেই বিৰাজ কৰিছে তীব্ৰ চাঞ্চল্যই৷