গ্ৰীষ্মকালত প্ৰায়সংখ্যক লোকে এচি ব্যৱহাৰ কৰা দেখা যায় ৷ গৰমৰ পৰা পৰিত্ৰাণ পাবলৈ বহুতো লোকে গোটেই দিনটো ঘৰ বা কাৰ্যালয়, চিকিৎসালয় বা দোকান আদিত এচি চলায় থৈ দিয়ে ৷ এই এচিয়ে যেনেদৰে আমাৰ শৰীৰটো ঠাণ্ডা কৰি ৰাখে, তেনেদৰে ই আমাৰ শৰীৰলৈ বিভিন্ন ৰোগ মাতি আনে ৷
. এচি লগোৱা ঠাইত খিৰিকী আৰু দুৱাৰ সকলো বন্ধ থাকে । এনে পৰিস্থিতিত, নিয়মীয়াকৈ পৰিষ্কাৰ নকৰা বায়ু, ধুলি, মাটি আৰু এলাৰ্জি সৃষ্টি কৰা অন্যান্য উপাদানবোসমূহ একে ঠাইতে থাকে । ইয়াৰ ফলত, অত্যাধিক ঠাণ্ডা বতাহ আৰু পৰিৱেশত আৰ্দ্ৰতাৰ অভাৱৰ ফলত উশাহ-নিশাহৰ সমস্যা, বুকুৰ ঠাণ্ডা বিষ, পেশীজঠন আৰু এলাৰ্জীৰ প্ৰতি সংবেদনশীল লোকৰ এলাৰ্জীৰ সমস্যা যথেষ্ট হ’ব পাৰে ।
. গাঁঠিৰ বিষৰ সমস্যাত ভুগি থকা লোকসকলে দীঘলীয়া সময় এচিত থকাৰ বাবে তেওঁলোকৰ সেই সমস্যা বৃদ্ধি হয় ।
. দীঘলীয়া সময়ৰ বাবে এচি থকা পৰিৱেশত থাকিলে পিয়াহ নালাগে । এনে পৰিস্থিতিত, মানুহে কম পানী খায় । ফলত কম পানী খোৱাৰ ফলত শৰীৰত ডিহাইড্ৰেশ্যন হ’ব পাৰে ৷ ডিহাইড্ৰেশ্যন হ’লে লোকৰ উদ্বিগ্নতা, মূৰ ঘূৰোৱা, বমি বা ওকালি অহা, মূৰৰ বিষ আৰু চাইনাছ আৰু মাইগ্ৰেইনৰ সমস্যা বৃদ্ধি হোৱাৰ দৰে সমস্যা হ’ব পাৰে ।