Degreeটো শেষ কৰিয়েই দুদিনমান ঘৰত থকা মানেই বেকাৰ নহয়। চাকৰি এটাৰ প্ৰয়োজন সকলোৰে থাকে কিন্তু পোৱাতো সহজ নহয়। ঘৰত কিয় বহি আছা? টেট নিদিলা? এই প্ৰশ্নবোৰ সোধা বহুতেই হয়তো নাজানে টেট দিবলৈ যোগ্যতা কি লাগে। শিক্ষক এটা সন্মানৰ চাকৰি। কিন্তু সকলোৰে শিক্ষক হোৱাৰ ইচ্ছা নাথাকিবও পাৰে! সেইটো ডাঙৰ কথা নহয়।

সহ্যৰো এটা সীমা থাকে। সফলতা পাবলৈ মানুহক মানসিক শান্তি লাগে। আনৰ জীৱনত কি হব! তাতকৈ নিজৰ ভৱিষ্যত প্ৰথম। engineering শেষ কৰি, ONGCত চাকৰি পোৱা ল’ৰাটোক দেখিয়েই যাকে তাকে চাকৰি কিয় নাপালা? এই প্ৰশ্নবোৰ নকৰিব। কোনতো চাকৰিৰ যোগ্যতা কিমান! এইবোৰ নজনা মানুহে আনক বেকাৰ বুলি কয়। degree টো শেষৰ পাছত, তিনি বছৰমান কষ্ট কৰাৰ পাছত পুলিচত চাকৰি পোৱা ল’ৰাটোক দেখি আনক নক’ব, তুমি কিয় নাপালা? সংগ্ৰামৰ পাছত সময়ে এদিন সফলতা দিব। ব্যস্ত পৃথিৱীত আপুনিও ব্যস্ত হৈ পৰিব কেৱল আনক নুসুধিব। চাকৰি কিয় নাপালা? Higher study নকৰা মানেই পঢ়াত বেয়া নহয়। হয়তো বহুতৰ ইচ্ছা নাথাকে, আন বহুতৰ টকা নাথাকে। সকলোৱে একেলগে চাকৰি নাপায়। যাৰ জীৱনলৈ সফলতা আহিছে তেওঁ আগত বিফলতাক জয় কৰিছে। degree পঢ়ি থকা সময়খিনিত assignment seminarৰ পাছত লাগি থাকোতে general knowledge, Aptitude Logical reasoning এ সময় নাপায়। degree ত সকলোৱে এটা নিদিষ্ট বিষয়লৈ অধ্যয়ন কৰে। প্ৰতিটো বিষয়ত সকলো perfect নহয়। পঢ়িবলৈ অলপ সময়ৰ প্ৰয়োজন হয়। চাকৰি এটা পাবলৈ সময়ৰ প্ৰয়োজন হয়। কোনোবাই পালেই আপুনি নাপায়। আপুনি পালেই আন কোনোবাই নাপায়। degree টো শেষ কৰি higher study নকৰা মানে বেকাৰ নহয়। চাকৰি এটা পোৱাৰ আশাত পোৱা গধূলি দৌৰিবলৈ ওলাই যোৱা ল’ৰাটো বেকাৰ নহয়। দেউতাকৰ কষ্ট কমাবলৈ আনৰ লৰা ছোৱালীক টিউছন কৰা সিঁহতবোৰ বেকাৰ নহয়। সকলো লৰাই মদ খাবলৈ নিশিকে। সকলো ছোৱালীয়ে বিয়া হোৱাৰ সপোন নেদেখে। আপোনাৰ বেয়া দিনত মোৰ ভালদিন আৰু আপোনাৰ ভালদিনত মোৰ বেয়া দিন। সফলতা আমাৰ হাতত । ভাগ্যই বাট দেখাব। সফলতাক ধৰি ৰখাটো আপোনাৰ দায়িত্ব।

সংগ্ৰহ: পংকজ কুমাৰ দত্ত