কাৰেণ্ট ট্ৰেণ্ড অসম ডিজিটেল ডেস্কঃ ব্যক্তিগত খণ্ডৰ হাস্পতালত আচলতে কি চলে তাকেই উদঙালে এগৰাকী ৰোগীয়ে। ICU- ৰ পৰা প্ৰস্ৰাৱৰ বেগ লৈ হাস্পতালৰ পৰা পলায়ন কৰিলে ৰোগীয়ে। ঘটনাৰ বিৱৰণী অনুসৰি, চিকিৎসকে ৰোগীজনক চিকিৎসালয়ত ভৰ্তি কৰি পৰিয়ালৰ লোকক ৰোগী গৰাকী ক’মাত যোৱা বুলি কৈছিল। লগতে উন্নত চিকিৎসাৰ বাবে ৰোগীৰ পৰিয়ালক অধিক ধন যোগাৰ কৰিবলৈ কৈছিল৷ এই সকলো কথা ৰোগীয়ে গম পাই, চেগ বুজি ICU কক্ষৰ পৰা পলায়ন কৰে৷ অৰ্ধনগ্ন অৱস্থাত ৰোগীজনে বাহিৰলৈ আহি ঘটনা সন্দৰ্ভত স্থানীয় ৰাইজক সকলো অৱগত কৰে৷ সম্প্ৰতি চ’ছিয়েল মিডিয়াত ভাইৰেল হৈছে ঘটনাৰ ভিডিঅ’৷ এই ঘটনা সংঘটিত হৈছে মধ্যপ্ৰদেশৰ ৰতলামৰ গীতা দেৱী হাস্পতালত৷ চ’ছিয়েল মিডিয়াত ভাইৰেল হোৱা ঘটনাৰ ভিডিঅ’ই সকলোকে আচৰিত কৰি তুলিছে৷ টকাৰ কাৰণে ব্যক্তিগত খণ্ডৰ হাস্পতালে কি কৰিব নোৱাৰে এই প্ৰশ্নৰো অৱতাৰণা হৈছে৷ ঘটনাৰ ভিডিঅ’ চাবলৈ নিম্মোক্ত লিংকটো ক্লিক কৰক।

https://x.com/i/status/1896920960667615527