তেজপুৰত সংঘটিত হৈছে এক হৃদয় বিদায়ক ঘটনা। জীৱশ্ৰেষ্ঠৰ বৰ্বৰতাক লৈ এতিয়া উত্তাল হৈ পৰিছে ছ’চিয়েল মিডিয়া। কিমান নিষ্ঠুৰ হ’ব পাৰে জীৱশ্ৰেষ্ঠ, এই ঘটনাই সেই প্ৰশ্নকে অৱতাৰণা কৰিছে। এটা কণমানি কুকুৰ পোৱালীক হানি-খুঁচি হত্যা কৰি আনন্দ প্ৰকাশ এটা নৰপিশাচৰ। কণমানি কুকুৰ পোৱালীটোক হত্যা কৰি কান্ধত লৈ বীৰত্ব প্ৰদৰ্শন কৰি ভিডিঅ বনাইছে এজন যুৱকে। এই নিকৃষ্ট কাণ্ডৰে জড়িত এই যুৱকৰ ঘৰ তেজপুৰত বুলি জানিব পৰা গৈছে। হত্যাকাৰী যুৱকজনৰ নাম ৰণ্টু বুলি উল্লেখ কৰিছে ভিডিঅটোত। প্ৰকৃতিপ্ৰেমী তেজপুৰৰ সৌৰভ বৰকটকীৰ লগতে ‘We Animal’ নামৰ প্ৰকৃতিপ্ৰেমী সংস্থাটোৱে তেজপুৰ সদৰ আৰক্ষী চকীত দাখিল কৰিছে এজাহাৰ লগতে হত্যাকাৰীক কঠোৰ শাস্তিৰ দাবী জনাইছে।