সম্প্ৰতি হৃদৰোগ দ্ৰুতগতিত বৃদ্ধি পাইছে। বিশৃংখল জীৱনশৈলী, অস্বাস্থ্যকৰ খাদ্যাভ্যাসে উচ্চ কলেষ্ট’ৰল আৰু ৰক্তচাপৰ দৰে সমস্যাৰ সৃষ্টি কৰিছে। যাৰ বাবে হৃদযন্ত্ৰৰ ওপৰত প্ৰভাৱ পৰে। কলেষ্ট’ৰল হৈছে মমৰ সদৃশ আঠাযুক্ত পদাৰ্থ, যিটো বেয়া খাদ্যাভ্যাসৰ বাবে শৰীৰত বৃদ্ধি পায়।

কলেষ্ট’ৰল বৃদ্ধি হ’লে ধমনীত প্লাক গঠন হ’ব পাৰে, যাৰ ফলত ৰক্ত সঞ্চালন বন্ধ হ’ব পাৰে। কলেষ্ট’ৰল বৃদ্ধি হ’লে হাৰ্ট এটেক, ৰক্তচাপৰ দৰে ৰোগৰ সম্ভাৱনা বৃদ্ধি পাব পাৰে। কলেষ্ট’ৰল বৃদ্ধিৰ বাবে শৰীৰত বহুতো লক্ষণ দেখা যায়। ইয়াৰ ভিতৰত ঘাম ওলোৱা, ভাগৰুৱা, দুৰ্বলতা, ভোক কমি যোৱা আৰু জিভাৰ ৰং সলনি হোৱা আদি।

জিভাত দেখা যায় কিছু ৰোগৰ লক্ষণ-

‘ফ্ৰন্টিয়াৰ্ছ ইন মেডিচিন’ নামৰ মেডিকেল জাৰ্নেলৰ তথ্য অনুসৰি গাঢ় বেঙুনীয়া ৰঙৰ জিভা আৰু চাবলিংগুৱেল ভেইন বৃদ্ধি হোৱাটো তেজত কলেষ্ট’ৰল বৃদ্ধিৰ লক্ষণ। চিকিৎসকৰ মতে, ছাবলিংগুৱেল শিৰাবোৰ ক’লা, বেঁকা আৰু ডাঠ। এনে চিন ওলোৱাৰ লগে লগে সাৱধান হ’ব লাগে, কাৰণ ইয়াৰ দ্বাৰা হৃদযন্ত্ৰৰ স্বাস্থ্য নষ্ট হ’ব পাৰে।

জিভাত তেজ জমা হোৱাটোও বিপদজনক-
স্বাস্থ্য বিশেষজ্ঞসকলৰ মতে জিভাত তেজ জমা হোৱাটোও কলেষ্ট’ৰল বৃদ্ধিৰ লক্ষণ। যেতিয়া তেজৰ কলাৰ মাজেৰে তেজ সঠিকভাৱে প্ৰবাহিত হ’ব নোৱাৰে, তেতিয়া ইয়াৰ গতি কমি যায় আৰু বন্ধ হৈ পৰে, যাৰ ফলত নাড়ী অৰ্থাৎ শিৰাৰ ওপৰত চাপ বাঢ়ি যায়, যাৰ ফলত হাৰ্ট এটেকও হ’ব পাৰে। ইয়াৰ ফলত আন বহুতো হৃদৰোগও হ’ব পাৰে।

জিভাৰ ৰং আৰু ৰোগৰ মাজত কি সম্পৰ্ক?

স্বাস্থ্য বিশেষজ্ঞসকলে কয় যে বেছিভাগ ক্ষেত্ৰতে বেঙুনীয়া ৰঙৰ জিভাৰ অৰ্থ হ’ল শৰীৰত ৰক্ত সঞ্চালন সঠিকভাৱে নহয় আৰু কলেষ্ট’ৰলৰ মাত্ৰা বৃদ্ধি পাইছে। জিভাৰ ৰং সলনি হোৱাৰ ফলত তেজে শৰীৰৰ কলাবোৰক পৰ্যাপ্ত পৰিমাণৰ অক্সিজেন যোগান ধৰিব পৰা নাই বুলি সতৰ্ক কৰি দিয়ে। জিভাৰ গাঢ় ৰঙা ৰং তেজত অক্সিজেনৰ অভাৱৰ লক্ষণ।