গুৰুগ্ৰামত সংঘটিত হৈছে এক চাঞ্চল্যকৰ ঘটনা। ঘটনাটোৱে আচৰিত কৰি তুলিব আপোনাক। সাধাৰণ এটা কথাৰ বাবেই কিদৰে প্ৰেমিকে হত্যা কৰিলে প্ৰেমিকাক। উল্লেখযোগ্য এগৰাকী যুৱতী আৰু এজন যুৱকে বিগত ৬টা মাহে লিভ-ইনত আছিল। দুয়োৰে মাজত মাজে সময়ে সাধাৰণ তৰ্কা-তৰ্কি হৈছিল যদিও দুয়ো একেলগেই আছিল। কিন্তু হত্যাকাণ্ড সংঘটিত হোৱাৰ দিনটোত প্ৰেমিকে প্ৰেমিকাক ‘EGG CURRY’ বনাবলৈ কৈছিল। বাৰে বাৰে ‘EGG CURRY’ প্ৰেমিকাক বনাবলৈ কোৱাৰ পিছতো প্ৰেমিকাই বনাবলৈ অস্বীকাৰ কৰে। এই কথাকে লৈ দুয়োৰে মাজত তৰ্কা-তৰ্কি লাগে। এই কাজিয়াই এটা সময়ত ভয়ংকৰ ৰূপ ধাৰণ কৰে। ‘EGG CURRY’ বনাবলৈ অস্বীকাৰ কৰা প্ৰেমিকাৰ ওপৰত খৰ্গহস্ত হৈ পৰে প্ৰেমিক আৰু হিতাহিত জ্ঞান হেৰুৱাই প্ৰেমিকে সংঘটিত কৰিলে ভয়ংকৰ কাণ্ড। প্ৰেমিকে হাতুৰীৰে আঘাত কৰি নিৰ্মমভাৱে হত্যা কৰে প্ৰেমিকাক। আৰক্ষীয়ে ইতিমধ্যেই অভিযুক্তক গ্ৰেপ্তাৰ কৰি ঘটনাৰ তদন্ত অব্যাহত ৰাখিছে। জেৰাৰ সময়ত অভিযুক্তই মদ্যপান কৰি এই হত্যাকাণ্ড সংঘটিত কৰা বুলি স্বীকাৰ কৰে।