তীব্ৰ গৰমত কেৱল স্বাস্থ্যই নহয়, চকুৰ যত্ন লোৱাটোও প্ৰয়োজন৷ এই সময়ছোৱাত ক্ষতিকাৰক UV ৰশ্মিৰ পৰা ছালখনক ৰক্ষা কৰাটো যিদৰে প্ৰয়োজন তেনেদৰে ৰ’দ আৰু তাপৰ পৰা চকুৰ যত্ন লোৱাটোও খুব দৰকাৰী৷ প্ৰচণ্ড গৰমত চকুৰ যত্ন কেনেকৈ ল’ব জানি লওঁক,
১. চকু দুটা হাইড্ৰেট কৰি ৰাখক- গ্ৰীষ্ম কালত গৰম বতাহৰ বাবে চকুত জ্বলা-পোৰা হব পাৰে৷ ইয়াৰ বাবে চকু শুকান হৈ পৰে৷ সেইবাবেই পৰ্যাপ্ত পৰিমাণৰ পানী খাব লাগে৷ ইয়াৰ দ্বাৰা চকু দুটা হাইড্ৰেট ৰখাটো সহায়ক হব৷
২. ছানগ্লাছ- চকু সুৰক্ষিত কৰি ৰাখিবলৈ শ্বেড আপোনাৰ লগত ৰাখক৷ ইয়াৰ দ্বাৰ আপুনি আপোনাৰ চকুক ক্ষতিকাৰক UV ৰশ্মিৰ পৰা ৰক্ষা কৰিবলৈ সক্ষম হব৷ অবিৰতভাৱে UV ৰশ্মিৰ সংস্পৰ্শলৈ আহিলে চকুৰ ছানি পৰাৰ দৰে চকুৰ সমস্যাৰ সৃষ্টি হয়৷ য়েইবাবে চকুৰ সুৰক্ষাৰ বাবে ছানগ্লাছ পৰিধান কৰিব লাগে৷
৩. আই ড্ৰ’প- চকুক হাইড্ৰেট কৰি ৰাখিবলৈ আই ড্ৰ’প ব্যৱহাৰ কৰক, লগতে পানীও নিয়মীয়াকৈ খাওঁক৷
৪. ভালকৈ টোপনি যাওক- ৰাতি ভালদৰে টোপনি যোৱাটো অতি প্ৰয়োজনীয়৷ ইয়াৰ ফলত চকু দুটাই যথেষ্ট জিৰণি লাভ কৰে৷ যদি আপুনি ভালদৰে টোপনি লয় তেন্তে চকুজুৰিয়ে শান্তি পায়৷ ইয়াৰ ফলত চকুৰ অৱসাদ দূৰ হয়৷
৫. চকু ঘঁহিব নালাগে- বহুতে জানি বা অজানিতে চকু ঘঁহি থাকে৷ সেয়ে হাত পৰিষ্কাৰ কৰি ৰাখক আৰু বাৰে বাৰে চকুত হাত লগাই নাথাকিবা৷