গহপুৰৰ নলনীবাৰী গাওঁ পঞ্চায়তৰ অন্তৰ্গত তিনিকোণীয়াত এটি আঢ়ৈ মহীয়া শিশুৰ মৃত্যুক লৈ সৃষ্টি হৈছে চাঞ্চল্যৰ। নলনীবাৰীৰ ছাহজাহান আলি আৰু পাৰবিন চোলতানাৰ আঢ়ৈ মহীয়া কন্যা সন্তানক তিনিটাকৈ বেজী দিয়াৰ পিছতে মৃত্যু হয় কনমানি কন্যা সন্তানটিৰ। নলিনীবাৰী অংগবাদী কেন্দ্ৰত এগৰাকী ANM নাৰ্ছে বুধবাৰে দিনৰ ভাগত দিছিল বেজী।তাৰ পিছতে আজি পুৱতি নিশা শিশুটিৰ মৃত্যু হয়। ঘটনাটোক লৈ সমগ্ৰ অঞ্চলত তীব্ৰ চাঞ্চল্যই বিৰাজ কৰিছে। উল্লেখ্য যে শিশুটি সন্ধিয়া ভাগৰ পৰা জ্বৰত ভোগাৰ ওপৰিও মুখেৰে তেজ আৰু ফেন উলাই থকা পৰিলক্ষিত হৈছে। এই ক্ষেত্ৰত মৃতকৰ পৰিয়ালৰ লোকে উচিত তদন্ত কৰি ন্যায় দিয়াৰ দাবী তুলিছে।