দৰঙ খাৰুপেটীয়াৰ ঐতিহাসিক শ্মশান কালি মন্দিৰত সংঘটিত হ’ল চাঞ্চল্যকৰ চুৰি কাণ্ডৰ ঘটনা। দৰঙৰ সংবাদদাতা আহাজুদ্দীন আহমেদে প্ৰেৰণ কৰা বাতৰি অনুসৰি পুৱতি নিশা ২.২৮ বজাত দুজনকৈ চোৰে মন্দিৰটোত চলাই লুট-পাত। মন্দিৰৰ ভিতৰত থকা মা কালিৰ প্ৰতিমাৰ পৰা সোণ আৰু ৰূপৰ আ অলঙ্কাৰ লুটি নিয়ে চোৰে৷ চুৰি কাণ্ডৰ সমগ্ৰ দৃশ্য বন্দী হয় CCTV কেমেৰাত । মন্দিৰত চুৰিকাণ্ডৰ খবৰ পোৱা মাত্ৰেই ঘটনাস্থলীত উপস্থিত হয় খাৰুপেটীয়া আৰক্ষী৷ সঠিক তদন্ত কৰি চোৰৰ দলটোক চিনাক্ত কৰি উপযুক্ত শাস্তি প্ৰদানৰ দাবী উত্থাপন কৰে মন্দিৰ পৰিচালনা সমিতিৰ লগতে স্থানীয় ৰাইজে । শ্মশান কালি মন্দিৰত চুৰি কাণ্ডৰ ঘটনাক লৈ নগৰবাসীৰ মাজতো সৃষ্টি হৈছে তীব্ৰ প্ৰতিক্ৰিয়া। আৰক্ষীৰ নৈশ পহৰাৰ মাজতে কিদৰে সংঘটিত হ’ব পাৰে এটাৰ পিছত আনটো চুৰিকাণ্ডৰ ঘটনা? তাকে লৈ উদ্ৰেক ঘটিছে বিবিধ প্ৰশ্নৰ৷