এক আজৱ ঘটনা সংঘটিত হৈছে উত্তৰ প্ৰদেশত। ডিউটীৰ সময়ত ষ্টেচন মাষ্টৰ টোপনি যোৱাৰ বাবে সংঘটিত হ’ল এই ঘটনা। আচলতে ঘটনাটো আছিল এনেধৰণৰ।

৩ মে’ত পাটনা-কোটা এক্সপ্ৰেছ ৰে’লখন উত্তৰ প্ৰদেশৰ ইটাৱাৰ সমীপৰ উডি ম’ৰ ৰোড ষ্টেচনত প্ৰায় আধা ঘণ্টা ৰৈ থাকিব লগা হয়।

কৰ্তব্যৰত অৱস্থাত ষ্টেচন মাষ্টৰজন টোপনি যায়। যাৰবাবে ৰে’লৰ চালকজনে চিগনেলৰ বাবে অপেক্ষা কৰি থাকিল আৰু হৰ্ণ বজাই থাকিল। ৰে’লৱেই এই বিষয়টো গুৰুত্ব সহকাৰে লৈ ষ্টেচন মাষ্টৰক এই গাফিলতিৰ কাৰণ দৰ্শাৱলৈ নিৰ্দেশ দিছে।