ডিজিটেল ডেস্কঃ ভাৰতীয় ক্ৰিকেট বৰ্ডৰ সভাপতি সৌৰভ গাংগুলী আক্ৰান্ত হৈছে কৰ’নাত। কৰ’নাৰ উপস্থিতি ধৰা পৰাৰ পিছতেই গাংগুলীক আলিপুৰৰ এখন ব্যক্তিগত চিকিৎসালয়ত ভৰ্তি কৰোৱা হৈছে। তেওঁৰ পৰা সংক্ৰমণৰ হাৰ ১৯.৫ শতাংশ বুলি চিকিৎসকে প্ৰকাশ কৰিছে।

বিগত দেওবাৰৰ পৰা গাংগুলীৰ চৰ্দী-জ্বৰত আক্ৰান্ত হৈ আছিল। তেওঁৰ ব্যক্তিগত চিকিৎসক ডাঃ সপ্তৰ্ষী বসুৱে গাংগুলীক কৰ’না পৰীক্ষাৰ পৰামৰ্শ দিয়ে। ডাঃ সপ্তৰ্ষীৰ পৰামৰ্শৰ পিছতেই পৰীক্ষা কৰাত কভিড পজিটিভ পোৱা গৈছে সৌৰভৰ শৰীৰত।

উল্লেখ্য যে ২০২১ বৰ্ষটোৱে সৌৰভক জুৰুলা কৰি তুলিছে। কিয়নো বছৰৰ আৰম্ভণিতে হৃদৰোগত আক্ৰান্ত হৈছিল সৌৰভ। তাৰ পিছতেই এতিয়া পুনৰ কভিডৰ সংক্ৰমণ। সৌৰভৰ অনুৰাগীসকলে খবৰটো লাভ কৰাৰ পিছতেই চিন্তিত হৈ পৰিছে যদিও চিন্তাৰ বিশেষ কাৰণ নাই তেওঁৰ শৰীৰত বৰ্তমান কোনো জটিলতা নাই বুলি প্ৰকাশ কৰিছে চিকিৎসকৰ দলে।