গ্ৰীষ্মকাল আৰম্ভ হোৱাৰ লগে লগে মহৰ সমস্যা বাঢ়ি যায়। উষ্ণতা বৃদ্ধিৰ লগে লগে মহৰ সংখ্যা বাঢ়িবলৈ আৰম্ভ কৰে। বিশেষকৈ সন্ধিয়া এই মহে অধিক অসুবিধাৰ সৃষ্টি কৰে। সৰু দেখা এই মহবোৰ কেতিয়াবা অতি বিপজ্জনক বুলি প্ৰমাণিত হয়। মহৰ পৰা হোৱা ৰোগৰ বাবে বহু মানুহে প্ৰাণ হেৰুৱাইছে। এই মহৰ দ্বাৰা বিয়পি পৰা ৰোগসমূহৰ ভিতৰত মেলেৰিয়া, ডেংগুৰ দৰে বিপদজনক নাম অন্তৰ্ভুক্ত। মহ প্ৰতিৰোধৰ বাবে বজাৰত বিভিন্ন সামগ্ৰী উপলব্ধ। ইয়াৰ ভিতৰত মহৰ কইল, স্প্ৰে, লোচন আৰু বৈদ্যুতিক সঁজুলিও অন্তৰ্ভুক্ত। কিন্তু আমি আপোনালোকক ক’বলৈ ওলাইছো কেইটামান ঘৰুৱা উপায়, যাৰ দ্বাৰা ঘৰৰ দৈনন্দিন বস্তুৰ সহায়ত মহৰ পৰা মুক্তি পাব পাৰি।

আপুনি নিশ্চয় গাঁৱে-ভূঞে দেখিছে যে মহ খেদি পঠিয়াবলৈ শুকান গৰুৰ গোবৰৰ ব্যৱহাৰ কৰা হয়। তাৰ পৰা ওলোৱা ধোঁৱাৰ বাবে মহ নাইকীয়া হৈ যায়। আপুনি ইয়াক ঘৰুৱা প্ৰতিকাৰ হিচাপে ব্যৱহাৰ কৰিব পাৰে। কিন্তু এতিয়া চহৰবোৰত বন্ধ হৈ পৰিছে শুকান গৰুৰ গোবৰ জ্বলোৱাটো।

নিম পাতঃ নিম গছ গুণৰ খনি। বহু ৰোগৰ ঔষধ হিচাপে ব্যৱহাৰ কৰা নিময এই নিম পাত মহ প্ৰতিৰোধৰ ক্ষেত্ৰত অতি ফলপ্ৰসূ। নিমৰ পাত জ্বলাই দিলে সেই ধোঁৱাৰ ফলত মহ পলাই যায়। এই পদ্ধতি সম্পূৰ্ণ স্বাভাৱিক।

মহ দূৰ কৰিবলৈ প্ৰথমে নহৰুৰ পেষ্ট বনাই তাৰ পিছত পানীত সিজাই স্প্ৰেৰ ৰূপত বনাব লাগে। ঠাণ্ডা হোৱাৰ পিছত এই তৰল পদাৰ্থটো স্প্ৰে’ বটলত ভৰাই মহ থকা ঠাইত স্প্ৰে’ কৰিব লাগে। স্পষ্টভাৱে এই স্প্ৰে’ত নহৰুৰ গোন্ধ থাকিব, গতিকে এই গোন্ধত মহ নাইকীয়া হ’ব।