ডিজিটেল ডেস্কঃ ‘হেক হৈছে প্রধানমন্ত্ৰী নৰেন্দ্ৰ মোদীৰ টুইটাৰ একাউণ্ট।’ কোনে কেনেকৈ হেক কৰিলে প্ৰধানমন্ত্ৰীগৰাকীৰ একাউণ্টটো। পুৱাৰে পৰা সমগ্ৰতে চৰ্চা হৈ আছে এটাই কথা। অৱশেষত হেক হোৱা বিষয়টোক লৈ স্পষ্টীকৰণ দিছে টুইটাৰে। প্ৰকৃততে হেক হৈছিল নে প্ৰধানমন্ত্ৰীগৰাকীৰ একাউণ্টটো সেই কথাও জনালে টুইটাৰে।

১১ ডিচেম্বৰৰ মাজনিশা প্ৰধান মন্ত্ৰীগৰাকীৰ টুইটাৰ একাউণ্টৰ পৰা ভাৰতত ক্ৰিপ্টেকাৰেন্সি বৈধ হৈছে বুলি এটা টুইট কৰা হৈছিল। প্ৰধানমন্ত্ৰীয়ে এই টুইটতো দেখাৰ পিছতেই কোনে তেওঁৰ একাউণ্টৰ পৰা এনেকুৱা টুইট কৰিছে বুলি টুইটাৰ কৰ্তৃপক্ষক অৱগত কৰে। টুইটাৰক প্ৰধানমন্ত্ৰীগৰাকীয়ে অৱগত কৰাৰ পিছতেই টুইটাৰে সমগ্ৰ ঘটনাটো পৰ্যবেক্ষণ কৰে আৰু কিছু সময় পিছতেই একাউণ্টটো নিজা নিয়ন্ত্ৰণলৈ আনিবলৈ সক্ষম হয়।

টুইটাৰে যদিও একাউন্টতো নিয়ন্ত্ৰণলৈ আনিলে তথাপিও কোনে প্ৰকৃততে হেক কৰিছিল প্ৰধানমন্ত্ৰীৰ একাউণ্ট সেই কথাহে স্পষ্ট হোৱা নাই। বৰ্তমানো সমগ্ৰ ঘটনা সন্দৰ্ভত তদন্ত অব্যাহত ৰাখিছে টুইটাৰে।