ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে শুকুৰবাৰে উত্তৰাখণ্ডৰ ৰুদ্ৰপ্ৰয়াগ জিলাৰ কেদাৰনাথ মন্দিৰৰ চৌহদত আদি শংকৰাচাৰ্যৰ প্ৰতিমূৰ্তি উন্মোচন কৰে। ২০১৩ চনৰ উত্তৰাখণ্ডৰ বানপানীত ধ্বংস হোৱাৰ পিছত আদি শংকৰাচাৰ্যৰ সমাধি পুনৰ নিৰ্মাণ কৰা হৈছে।উদ্বোধনৰ পূৰ্বে প্ৰধানমন্ত্ৰীয়ে মন্দিৰত ‘আৰতি’ কৰে। প্ৰাৰ্থনা সম্পন্ন কৰি কেদাৰনাথ মন্দিৰ পৰিক্ৰমা কৰে প্ৰধানমন্ত্ৰীজনে।

মন্দাকিনী নদীৰ পাৰত অৱস্থিত ‘চাৰ ধাম যাত্ৰা’ বুলি কোৱা চাৰিটা প্ৰাচীন তীৰ্থস্থানৰ ভিতৰত যমুনোত্ৰী, গঙ্গোত্ৰী আৰু বদ্ৰীনাথ আৰু কেদাৰনাথ। জগত গুৰু আদি শংকৰাচাৰ্যৰ দ্বাৰা অষ্টম শতিকাত নিৰ্মিত, কেদাৰনাথ মন্দিৰ ভগৱান শিৱৰ নামত উৎসৰ্গিত। প্ৰধানমন্ত্ৰী মোদীয়ে ১৩০ কোটি টকাৰ গুৰুত্বপূৰ্ণ আন্তঃগাঁথনি প্ৰকল্প উদ্বোধন কৰে কেদাৰনাথত, যাৰ ভিতৰত আছে সৰস্বতী ৰিটেইনিং ৱাল আস্থাপথ আৰু ঘাট, মন্দাকিনী ৰিটেইনিং ৱাল আস্থাপথ, তীৰ্থ পুৰোহিত হাউচ আৰু মন্দাকিনী নদীৰ গৰুড় চাট্টি দলং। ইয়াৰ ওপৰিও তেওঁ
অন্য একাধিক প্ৰকল্পৰ আধাৰশিলাও স্থাপন কৰে। প্ৰধানমন্ত্ৰীয়ে মন্দিৰ ভ্ৰমণৰ সময়ত এখন ৰাজহুৱা সভাও সম্বোধন কৰে। তেওঁৰ ভ্ৰমণ ৰাজ্যখনৰ ২০২২ চনৰ বিধানসভা নিৰ্বাচনৰ বাবেই বুলি একাংশই চৰ্চা কৰাও পৰিলক্ষিত হৈছে।