নাইজেৰিয়াত পণবন্দী হৈ থকা জিম প্ৰশিক্ষক গুৱাহাটীৰ নিৱাসী বক্সাৰ বৰ্ণালী বৰুৱাক লৈ সৰ্বত্ৰে চৰ্চা। নাইজেৰিয়াত পণ বন্দী হৈ থকা অসমীয়া মহিলা খেলুৱৈগৰাকী যোৱা ২৮ অক্টোবৰত বেংগালুৰু পৰা নাইজেৰিয়ালৈ ভ্ৰমণৰ বাবে গৈছিল। খবৰ অনুসৰি, নাইজেৰিয়াৰ কিং নামৰ এজন লোকে খেলুৱৈগৰাকীৰ হাতৰ পৰা কাঢ়ি নিছে ভিছা, পাছপৰ্ট। খেলুৱৈ বৰ্ণালী বৰুৱা শইকীয়াইৰ পৰিয়ালক অপহৰণকাৰী সকলে পণমুক্তিৰ বাবে ব্লেক মেইল কৰি আছিল। বিগত তিনি দিন ধৰি খেলুৱৈ বৰ্ণালী বৰুৱা শইকীয়াইৰ কোনো খবৰ পোৱা নাই পৰিয়ালৰ লোকে। একেদৰে বৰ্ণালী শইকীয়াৰ পৰিয়ালে অসম চৰকাৰক সহায়ৰ বাবে অনুৰোধ কৰিছে। অসম চৰকাৰে বিষয় সন্দৰ্ভত কি ব্যৱস্থা গ্ৰহণ কৰে,সময়ত এয়া হে হ’ব লক্ষণীয়৷