মানুহৰ শৰীৰৰ আটাইতকৈ গুৰুত্বপূৰ্ণ দৰ্শনীয় অংগ হ’ল মুখমণ্ডল। প্ৰথম চিনাকিতেই আকৰ্ষণ কৰিব পৰা এখন সুশ্ৰী মুখমণ্ডল গঢ়ি তুলিবলৈ যত্ন কৰক। মুখমণ্ডল ভালে ৰাখিবলৈ হ’লে কেইটামান সাধাৰণ কথা মনত ৰাখিব লাগে। যেনে-

. টোপনি ক্ষতি কৰিলে মানুহৰ শৰীৰৰ ক্ষতি হয়। ছালৰ উজ্জ্বলতা কমে। সেইবাবে অন্তত: আঠ ঘন্টা ভাল টোপনি হোৱাৰ দৰকাৰ।
. ভজা-পোৰা বেছিকৈ খালে শৰীৰৰ ছাল ৰুক্ষ হয়। মছলা দিয়া খাদ্যও পৰিমাণত কমাই খাব লাগে। কেঁচা শাক-পাচলি বেছিকৈ খাব লাগে।
. খোজ কঢ়া এটা বৰ ভাল অভ্যাস। পুৱা শুই উঠি আৰু গধূলি মুকলি বতাহত খোজ কাঢ়িলে সৰ্বশৰীৰত সজীৱতা আহে।
মানুহৰ শৰীৰ নিৰোগী কৰি ৰাখিবলৈ হ’লে পানী প্ৰচুৰ পৰিমাণে খাব লাগে। দিনটোৰ ভিতৰত বিশুদ্ধ পানী অন্তত: ৮/১০ গিলাচ খাব লাগে।