স্বাস্থ্যসন্মত আৰু ৰোগৰ পৰা আঁতৰি থাকিবলৈ কেৱল পুষ্টিকৰ খাদ্য খোৱাই নহয়, সঠিক সময়ৰ যত্ন লোৱাটোও জৰুৰী। সঠিক সময় মানে খাদ্য খোৱাৰ সঠিক সময়। আজিৰ ব্যস্ততাৰ বাবে মানুহে সময়মতে দুপৰীয়া বা ৰাতিৰ আহাৰ গ্ৰহণ কৰিব পৰা নোৱাৰে। অৱশ্যে সুস্থ হৈ থাকিবলৈ উপযুক্ত সময়ত বিশেষকৈ ৰাতি খাদ্য খোৱাটো অতি প্ৰয়োজনীয়। বেছিভাগ মানুহেই ৰাতিৰ আহাৰ অতি দেৰিকৈ খায়। ৰাতি ১২ বজাৰ পিছত ৰাতিৰ আহাৰ গ্ৰহণ কৰে। আনহাতে যুগ যুগ ধৰি কোৱা হৈছে যে ৰাতিৰ আহাৰ সোনকালে খাব লাগে।

ৰাতিৰ আহাৰ সোনকালে খালে স্বাস্থ্যৰ বহু উপকাৰ পোৱা যায়। যদি আপুনি সুস্থ আৰু ফিট হৈ থাকিব বিচাৰে আৰু জীৱনত কেতিয়াও মেদবহুলতাৰ বলি নহ’ব বিচাৰে তেন্তে মনত ৰাখিব যে আপুনি শোৱাৰ ৩ঘন্টাৰ পূৰ্বেই খাদ্য গ্ৰহণ কৰিব। আয়ূৰ্বেদৰ মতে যদি আপুনি নিশা ১০-১১ বজাত শুৱে তেন্তে ৰাতি ৬-৮ বজাৰ ভিতৰত ৰাতিৰ আহাৰ গ্ৰহণ কৰিব লাগে। যেতিয়া আপুনি খোৱা আৰু শোৱাৰ মাজত ৩ ঘণ্টাৰ ব্যৱধান ৰাখে তেতিয়া খাদ্য সোনকালে হজম কৰাত সহায় কৰে। আনহাতে যিসকল লোকে খাদ্য খোৱাৰ লগে লগে শুই থাকে তেওঁলোকৰ ওজন দ্ৰুতগতিত বৃদ্ধি হোৱাৰ সম্ভাৱনা বেছি আৰু বহু ৰোগক আমন্ত্ৰণ জনোৱা হয়।

সোনকালে খাদ্য খোৱাৰ উপকাৰিতা

১) সোনকালে খাদ্য খালে লগতে ধাদ্য খোৱাৰ তিনি ঘণ্টাৰ পিছত শুলে ভাল টোপনি অহাত সহায় হয়। আনহাতে ৰাতিৰ আহাৰ দেৰিকৈ খাই লগে লগে শুই থাকিলে বহু সমস্যাৰ সৃষ্টি হ’ব পাৰে।

২) যিসকল লোকে নিজৰ অতিৰিক্ত ওজনৰ বাবে সদায় চিন্তিত হৈ থাকে তেওঁলোকে ৰাতি সোনকালে ৰাতিৰ আহাৰ গ্ৰহণ কৰিব লাগে। আনহাতে খাদ্য খোৱাৰ তিনি ঘণ্টাৰ পিছত শুব লাগে। ইয়াৰ লগে লগে তেওঁলোকৰ খাদ্য সোনকালে হজম হ’ব আৰু তেওঁলোকৰ ওজন বৃদ্ধিৰ পৰিৱৰ্তে কমিবলৈ আৰম্ভ কৰিব।

৩) কোষ্ঠকাঠিন্যত ভোগা লোকসকলেও সোনকালে ৰাতিৰ আহাৰ গ্ৰহণ কৰিব লাগে। ৰাতিৰ আহাৰ সোনকালে খালে শৰীৰত শক্তি বজাই ৰাখে আৰু লগতে মনটোও গুৰুত্বপূৰ্ণ কামত নিয়োজিত হৈ থাকে।

৪) হৃদযন্ত্ৰৰ স্বাস্থ্যৰ বাবে সময়মতে ৰাতিৰ আহাৰ গ্ৰহণ কৰাটো অতি প্ৰয়োজনীয়। ৰাতিৰ আহাৰ দেৰিকৈ খোৱা লোকৰ হৃদযন্ত্ৰৰ সমস্যা হোৱাৰ সম্ভাৱনা বেছি।

৫) ৰাতিৰ আহাৰ পলমকৈ খালে এচিডিটি, হাৰ্টবাৰ্ণ আৰু পেটৰ লগত জড়িত সমস্যা হ’ব পাৰে। গতিকে সোনকালে আৰু সময়মতে ৰাতিৰ আহাৰ খোৱাৰ অভ্যাস গঢ়ি তোলক।