বেছিভাগ মানুহে ৰাতি শুৱাৰ আগত এই কথা ভাবি শুৱে যে তেওঁ পিছদিনা ৰাতিপুৱা সোনকালে উঠিব। তেওঁ ৰাতিপুৱা এলাৰ্ম ঠিকেই দিয়ে কিন্তু বহুত প্ৰচেষ্টাৰ পিছতো উঠিব নোৱাৰে। ৰাতিপুৱা উঠিবলৈ এলাহ ভাব হয় কিয়নো দেখা যায় যে যি সময়ত উঠিব বিছাৰে সেই সময়ত বেছিভাগ লোকৰ বহুত বেছি টোপনি আহে। গতিকে আপুনিও যদি ৰাতিপুৱা সোনকালে উঠিব বুলি ভাবি ৰাতি শুৱা পিছত ৰাতিপুৱা উঠিব নোৱাৰে তেন্তে আপুনি কিছুমান সহজ পদ্ধতি গ্ৰহণ কৰিব পাৰে। আহক জানি লওঁ কেনেধৰণৰ পদ্ধতি গ্ৰহণ কৰিলে ৰাতিপুৱা সোনকালে শুই উঠিব পাৰিব.

. যদি আপুনি নিশা ফোনত অধিক সময় অতিবাহিত কৰে তেন্তে যিমান সম্ভৱ সোনকালে আপোনাৰ এই অভ্যাস সলনি কৰক। ই আপোনাক যথেষ্ট সময় নষ্ট কৰে আৰু যেতিয়া আপুনি পলমকৈ ৰাতি শুৱে তেতিয়া সোনকালে উঠাটো কঠিন হৈ পৰে, কিয়নো আপোনাৰ টোপনি সম্পূৰ্ণ নহয়।
. বহুতলোকে ৰাতিপুৱা সাৰ পাবলৈ এলাৰ্ম ঘড়ী ব্যৱহাৰ কৰে। কিন্তু তেওঁলোকে বাৰে বাৰে এলাৰ্ম বন্ধ কৰি পুনৰ শুই পৰে। সেয়েহে আপোনাৰ এলাৰ্ম ঘড়ীটো নিজৰ পৰা আঁতৰত ৰাখিবলৈ চেষ্টা কৰক যাতে এলাৰ্ম নবজোৱাকৈ আপুনি নিজে শুই উঠিব পাৰে।
. সময়মতে ৰাতিৰ আহাৰ গ্ৰহণ কৰিব লাগে। বহু সময়ত দেখা যায় যে বহুতলোকে বহু পলমকৈ, কেতিয়াবা আকৌ বহুত সোনকালে খাদ্য গ্ৰহণ কৰে, কিন্তু ই আপোনাৰ স্বাস্থ্য আৰু টোপনিৰ বাবে একেবাৰে ভাল নহয়। সময়মতে খাদ্য গ্ৰহণ কৰক আৰু শুৱাৰ কমেও দুঘণ্টা আগতে খাব আৰু মনত ৰাখিব যে আপুনি ৰাতিৰ আহাৰ গ্ৰহণ কৰাৰ পিছত চাহ বা কফি গ্ৰহণ নকৰিব।