গৃহমন্ত্ৰী অমিত শ্বাহে লোকসভাত কয় যে ২০২৩ চনত কাশ্মীৰত শিলগুটি নিক্ষেপৰ এটাও ঘটনা হোৱা নাছিল। তেওঁ ইয়াক ২০১০ চনৰ সৈতে তুলনা কৰিছিল, য’ত এনেধৰণৰ ২,৬৫৪ টা ঘটনা সংঘটিত হৈছিল। জম্মু-কাশ্মীৰ পুনৰ্গঠন বিধেয়ক সন্দৰ্ভত বিতৰ্কৰ সময়ত কেন্দ্ৰীয় গৃহমন্ত্ৰী অমিত শ্বাহে লোকসভাত দাবী কৰিছিল যে কাশ্মীৰত সন্ত্ৰাসবাদ অন্ত পৰাৰ পথত। কেন্দ্ৰীয় গৃহমন্ত্ৰীগৰাকীয়ে কৈছিল যে ইয়াৰ কাৰণ কাশ্মীৰত ৩৭০ অনুচ্ছেদৰ অকাৰ্যকৰীতা। যোৱা ৬ ডিচেম্বৰত লোকসভাত হোৱা আলোচনাৰ সময়ত গৃহমন্ত্ৰীয়ে কয় যে এন ডি এৰ কাৰ্যকালত (২০১৪-২০২৩) ইউ পি এৰ কাৰ্যকালৰ সময়ত অৰ্থাৎ ২০০৪) তুলনাত জম্মু-কাশ্মীৰত সন্ত্ৰাসবাদৰ ঘটনা ৭০ শতাংশ হ্ৰাস পাইছে। তেওঁ কয় যে এন ডি এ চৰকাৰৰ দিনত এই কেন্দ্ৰীয় শাসিত অঞ্চলত অসামৰিক লোকৰ মৃত্যু ৭২ শতাংশ আৰু নিৰাপত্তাৰক্ষীৰ মৃত্যু ৫৯ শতাংশ হ্ৰাস পাইছে।

ইণ্ডিয়ান এক্সপ্ৰেছৰ এক প্ৰতিবেদন অনুসৰি ২০২১ চনৰ গৃহ মন্ত্ৰালয়ৰ পৰিসংখ্যা অনুসৰি ২০১৯ চনৰ জানুৱাৰীৰ পৰা জুলাইৰ ভিতৰত কাশ্মীৰ উপত্যকাত ৬১৮টা শিলগুটি নিক্ষেপৰ ঘটনা লিপিবদ্ধ কৰা হৈছে। আনহাতে ২০২০ চনৰ একে সময়ছোৱাত শিলগুটি নিক্ষেপৰ ঘটনা ২২২ লৈ হ্ৰাস পাইছিল আৰু ২০২১ চনত মাত্ৰ ৭৬ লৈ হ্ৰাস পাইছিল। লোকসভাত শ্বাহে কয় যে ২০২৩ চনত কাশ্মীৰত শিলগুটি নিক্ষেপৰ এটাও ঘটনা হোৱা নাছিল। তেওঁ ইয়াক ২০১০ চনৰ সৈতে তুলনা কৰিছিল, য’ত এনেধৰণৰ ২৬৫৪টা ঘটনা সংঘটিত হৈছিল। চৰকাৰে দাবী কৰিছে যে এন আই এয়ে হুৰিয়তৰ নেতাৰ বিৰুদ্ধে গ্ৰহণ কৰা ব্যৱস্থাৰ ফল। ইয়াৰে অধিকাংশই সন্ত্ৰাসবাদী পুঁজিৰ অভিযোগত জেলত আছে। শ্বাহে কয় যে NIA-এ সন্ত্ৰাসবাদী পুঁজিৰ ৩২টা গোচৰ ৰুজু কৰিছে। ইয়াৰ উপৰিও জম্মু-কাশ্মীৰ বিশেষ অনুসন্ধান সংস্থাই সন্ত্ৰাসবাদী পুঁজিৰ ৫১টা গোচৰ পঞ্জীয়ন কৰিছে। এই গোচৰসমূহত ২২৯জনক গ্ৰেপ্তাৰ কৰা হৈছে। ইণ্ডিয়ান এক্সপ্ৰেছৰ প্ৰতিবেদন অনুসৰি নিৰাপত্তা বাহিনীৰ সৈতে জড়িত সূত্ৰই জনোৱা মতে, চৰকাৰে অশান্তিৰ সৃষ্টি কৰাসকলক গ্ৰেপ্তাৰ কৰি উত্তৰ প্ৰদেশৰ জেললৈ প্ৰেৰণ কৰিছে। এনে পৰিস্থিতিত ঘৰৰ পৰা আঁতৰি থকাৰ ভয়ৰ বাবে যুৱক-যুৱতীসকলে শিলাবৰ্ষণ ইত্যাদি হিংসাত্মক ঘটনা সংঘটিত কৰাটো হ্ৰাস কৰিছে।