প্ৰভাসৰ উপৰিও অমিতাভ বচ্চন, দীপিকা পাডুকন, কমল হাছান আৰু দিশা পাটানিয়েও ছবিখনত গুৰুত্বপূৰ্ণ চৰিত্ৰত অভিনয় কৰা কল্কি ছবিখনত সকলোৰে অভিনয়ৰ শলাগ লোৱা হৈছে। ভাৰতীয় বক্স অফিচত ২০০ কোটিৰো অধিক উপাৰ্জন কৰা ছবিখনে দেওবাৰেও বৃহৎ ব্যৱসায় কৰিব বুলি আশা কৰা হৈছে। এক প্ৰতিবেদন অনুসৰি ‘কল্কি’ ছবিখনে শনিবাৰে হিন্দী, তামিল, তেলেগু, মালয়ালম আৰু কানাড়া ভাষাত ৬৭.১ কোটি টকা সংগ্ৰহ কৰে। এইদৰে ‘কল্কি ছবিখনে ভাৰতত মাত্ৰ ৩ দিনতে ২২০ কোটি টকা সংগ্ৰহ কৰিছে। ছবিখনে মুকলিৰ দিনা ৯৫ কোটি টকা আৰু দ্বিতীয় দিনা ৫৪ কোটিৰো অধিক ধন সংগ্ৰহ কৰে। প্ৰতিবেদন অনুসৰি তেলেগু ভাষাত সৰ্বাধিক সংগ্ৰহ ‘কলকী ২৮৯৮ খ্ৰীষ্টাব্দ’। ছবিখনে তেলেগু ভাষাত ১২৬.৯ কোটি টকা উপাৰ্জন কৰাৰ বিপৰীতে হিন্দী ভাষাত ৭২.৫ কোটি টকা উপাৰ্জন কৰিছে। ছবিখনে মুকলিৰ দিনটোতেই অভিলেখ ভংগ কৰিছিল। প্ৰথম দিনাই গ্লোবেল বক্স অফিচত ১৯১ কোটি টকা সংগ্ৰহ কৰিবলৈ সক্ষম হৈছে ‘কল্কি’।