শৈশৱত সকলোৰে ওঁঠৰ ৰং গুলপীয়া হয়। কিন্তু সময়ৰ লগে লগে ওঁঠৰ ৰং সলনি হ’বলৈ আৰম্ভ কৰে। ওঁঠৰ ৰঙৰ পৰিৱৰ্তন স্বাভাৱিক যদিও কেতিয়াবা ই গুৰুতৰ ৰোগৰ লক্ষণো হ’ব পাৰে। সেয়েহে, যদি আপোনাৰ ওঁঠৰ ৰঙৰ পৰিৱৰ্তন হয় তেন্তে অৱহেলা নকৰিব৷ অন্যথা ভিন্ন ৰোগৰ সম্মুখীন হ’ব আপুনিও৷
১. যদি আপোনাৰ ওঁঠৰ ৰং হালধীয়া বা বগা হৈ আছে, তেনেহ’লে এয়া শৰীৰত তেজৰ অভাৱ বা ৰক্তহীনতাৰ লক্ষণ। গতিকে এনে ক্ষেত্ৰত আপুনি আপোনাৰ স্বাস্থ্যৰ যত্ন ল’ব লাগিব৷
২. বেঙুনীয়া ওঁঠ হাঁওফাঁওৰ ৰোগৰ লক্ষণ হ’ব পাৰে। এনে পৰিস্থিতিত যদি আপোনাৰ ওঁঠৰ ৰং সলনি হৈ বেঙুনীয়া হৈছে তেন্তে শীঘ্ৰেই চিকিৎসকৰ পৰামৰ্শ লওঁক৷
৩. যদি আপুনি যথেষ্ট ধূমপান কৰে, তেতিয়াও আপোনাৰ ওঁঠ ক’লা দেখিবলৈ আৰম্ভ কৰে। যাৰ ফলত শৰীৰত বিভিন্ন প্ৰকাৰৰ সমস্যা আৰম্ভ হোৱাৰ আশংকা থাকে। গতিকে ধুমপানৰ পৰা বিৰত থাকক৷