ভেৰোনা ভান ডি লিউৰ জন্ম হৈছিল ১৯৮৫-চনৰ ২৭ ডিচেম্বৰত৷ বৰ্তমান ভেৰোনাৰ পৰিচয় এগৰাকী অৱসৰপ্ৰাপ্ত ডাচ কলাত্মক জিমনাষ্ট আৰু প্ৰাপ্তবয়স্ক চলচ্চিত্ৰ অভিনেত্ৰী। ২০০২ চনত ইউৰোপীয় চেম্পিয়নশ্বিপত ৰূপৰ পদক আৰু বিশ্ব চেম্পিয়নশ্বিপত ফ্ল’ৰ এক্সাৰচাইজত ৰূপৰ পদক লাভ কৰাৰ পিছত ২০০২ চনত ডাচ স্প’ৰ্টছৱমেন অৱ দ্য ইয়েৰ হিচাপে নিৰ্বাচিত হৈছিল ভেৰোনা
২০০৮ চনত ভেৰোনা ভ্যান ডি লিউৰে জিমনাষ্টিকছৰ পৰা অৱসৰ গ্ৰহণ কৰে, তাৰ পিছত তেওঁ ব্যক্তিগত অসুবিধাৰ সন্মুখীন হয়, ব্লেকমেইলৰ বাবে দোষী সাব্যস্ত হোৱাৰ পিছত কাৰাবাস খাটিবলগীয়া হয় ভেৰোনাই। ইয়াৰ পিচতেই জীৱন সংগ্ৰামত হাৰ মানি প্ৰাপ্তবয়স্ক ৱেবকেম শ্ব’ আৰু তাৰ পিছত প্ৰাপ্তবয়স্ক ছবিত অভিনয় কৰিবলৈ আৰম্ভ কৰে ভোৰোনাই৷

নেদাৰলেণ্ডৰ দক্ষিণ হলণ্ডৰ গৌডাত জন্মগ্ৰহণ কৰা ভোৰোনা ভ্যান ডি লিউৰে ৫ বছৰ বয়সত জিমনাষ্টিক আৰম্ভ কৰিছিল। ৯ বছৰ বয়সত জোটাৰমিৰৰ প্ৰ’ পেট্ৰিয়াত প্ৰশিক্ষণ ল’বলৈ আৰম্ভ কৰিছিল ভেৰোনাই৷
২০০০ চনত ডাচ নেচনেল চেম্পিয়নশ্বিপত তেওঁৰ প্ৰথম ৰাষ্ট্ৰীয় অংশগ্ৰহণ আছিল।জুনিয়ৰ ডাচ অল-ৰাউণ্ড চেম্পিয়ন আছিল আৰু তিনিটা ইভেণ্ট ফাইনেলত জয়ী হৈছিল। ইয়াৰ এবছৰৰ পাছত ২০০১ চনত ডাচ অল আৰউণ্ড মহিলা চেম্পিয়ন হয়। ডাচ দলটোৰ সৈতে তাই আচৰিত ধৰণে গেণ্টত অনুষ্ঠিত বিশ্ব চেম্পিয়নশ্বিপত পঞ্চম স্থান দখল কৰে। এই প্ৰদৰ্শনে তেওঁলোকক ২০০১ চনৰ ডাচ ক্ৰীড়া দল হিচাপে গঢ়ি তুলিছিল।
২০০২ চনটো আছিল আন্তঃৰাষ্ট্ৰীয় মঞ্চত ভ্যান ডি লিউৰৰ ব্ৰেক আউট বছৰ। গ্ৰীচৰ পাট্ৰাছত অনুষ্ঠিত ইউৰোপীয় চেম্পিয়নশ্বিপত তেওঁ পাঁচটা পদক লাভ কৰে, য’ত দলীয় প্ৰতিযোগিতা, অল-আৰউণ্ড (স্ভেটলানা খোৰকিনাৰ পিছত) আৰু বিমত ৰূপৰ পদক লাভ কৰে। ফ্ল’ৰ এক্সাৰচাইজতো ব্ৰঞ্জৰ পদক লাভ কৰে। বহুতে বিশ্বাস কৰে[কোন?] ভেৰোনাই ফ্ল’ৰ এক্সাৰচাইজৰ ফাইনেলত সোণৰ পদক লাভ কৰিব লাগিছিল, কাৰণ বিচাৰক ভুলৰ বাবে ভ্যান ডি লিউৰৰ ১/১০ পইণ্ট খৰচ হৈছিল, যাৰ ফলত তেওঁ ৩য় স্থানলৈ নামি আহিছিল। ইয়াৰ পিছত ভান ডেৰ লিউৰে হাংগেৰীৰ ডেব্ৰেচেনত অনুষ্ঠিত হোৱা বিশ্ব চেম্পিয়নশ্বিপত ফ্ল’ৰ এক্সাৰচাইজত ৰূপৰ পদক আৰু একেটা যন্ত্ৰতে বিশ্বকাপৰ ফাইনেলত সোণৰ পদক লাভ কৰে। ২০০২ চনৰ ডাচ ক্ৰীড়াবিদ হিচাপে নিৰ্বাচিত হোৱাৰ লগতে পুনৰবাৰ তেওঁলোক বছৰৰ শ্ৰেষ্ঠ ক্ৰীড়া দল হিচাপে পৰিগণিত হয়।

২০০৩ চনৰ আনাহাইমত অনুষ্ঠিত হোৱা বিশ্বকাপৰ বাবে ভ্যান ডি লিউৰ আৰু ৰেনস্কে এণ্ডেলক ৰিজাৰ্ভ হিচাপে ড্ৰ’ কৰা হৈছিল আৰু ডাচ দলটোক শীৰ্ষ বাৰটাৰ ভিতৰত স্থান দিয়া হোৱা নাছিল। সেয়েহে জিমনাষ্টগৰাকীয়ে এথেন্সত অনুষ্ঠিত হোৱা অলিম্পিকৰ বাবে যোগ্যতা অৰ্জন কৰিব নোৱাৰিলে। তাৰ পিছত তেওঁৰ প্ৰশিক্ষক ফ্ৰেংক আৰু ভ্যান ডি লিউৰৰ মাজত বিবাদৰ সৃষ্টি হয়, যাৰ ফলত তেওঁ প্ৰশিক্ষক বৰিছ অৰলভৰ ক্লাব নিজমেগেনৰ দ্য হাজেনকেম্পলৈ গুচি যায়। ২০০৭ চনত ভ্যান ডি লিউৰে চতুৰ্থবাৰৰ বাবে ডাচ অল আৰউণ্ড চেম্পিয়ন হিচাপে জয়লাভ কৰে। নিজমেগেনত অনুষ্ঠিত হোৱা ৰাষ্ট্ৰীয় চেম্পিয়নশ্বিপতো তেওঁ বিম আৰু ফ্ল’ৰ এক্সাৰচাইজত সোণ আৰু বাৰত ব্ৰঞ্জৰ পদক লাভ কৰে।
২০০৮ চনৰ ১৯ ​​জুনত ভান ডি লিউৰে জিমনাষ্টিকছৰ পৰা অৱসৰ লোৱাৰ কথা ৰাজহুৱাভাৱে ঘোষণা কৰে। জিমনাষ্টিক ফেডাৰেচনৰ সৈতে সংঘাত আৰু ব্যক্তিগত বিভিন্ন পৰিস্থিতিৰ বাবে সৃষ্টি হোৱা প্ৰেৰণাহীনতাই তেওঁৰ সিদ্ধান্তত গুৰুত্বপূৰ্ণ ভূমিকা গ্ৰহণ কৰা বুলি জানিব পৰা গৈছিল।

দুবছৰ ধৰি গৃহহীন হৈ কাৰাগাৰত থকাৰ পিছত ২০১১ চনৰ অক্টোবৰৰ শেষৰ ফালে ভোৰোনা ভ্যান ডি লিউৰে প্ৰাপ্তবয়স্ক চলচ্চিত্ৰ উদ্যোগৰ সৈতে এটা উপায় দেখিবলৈ পায়। অৱশেষত ভেৰোনাই ২০১৯ চনৰ নৱেম্বৰ মাহত পৰ্ণ ছবি উদ্যোগত প্ৰৱেশ কৰে৷ বৰ্তমান পৰ্ণ চলচ্ছিত্ৰ উদ্যোগৰ তাৰকা ভেৰোনা ভান ডি লিউ৷