কৰ্ণাটক চৰকাৰে ৰাজ্যত গোবি মাঞ্চুৰিয়ান আৰু কটন কেণ্ডী বিক্ৰী কৰাত নিষেধাজ্ঞা আৰোপ কৰিছে। কৰ্ণাটক চৰকাৰৰ ঘোষণা অনুসৰি ৰোডামাইন-বি(Rhodamine-B)নামৰ এবিধ ৰাসায়নিক পদাৰ্থ গোবি মাঞ্চুৰিয়ান আৰু কটন কেণ্ডীত ব্যৱহাৰ কৰা হয়, যিটো মানৱ শৰীৰৰ বাবে অতি ক্ষতিকাৰক। খাদ্যৰ ৰং আৰু সোৱাদৰ বাবে ব্যৱহাৰ কৰা এই পদাৰ্থবিধ স্বাস্থ্যৰ বাবে ক্ষতিকাৰক। এনে পৰিস্থিতিত ৰাইজৰ স্বাস্থ্যৰ প্ৰতি লক্ষ্য ৰাখি কৰ্ণাটকত গোবি মাঞ্চুৰিয়ান আৰু কটন কেণ্ডী বিক্ৰী নিষিদ্ধ কৰা হৈছে। যদি কোনো লোকে এই নিৰ্দেশ পালন নকৰে তেন্তে তেওঁৰ বিৰুদ্ধে আইনী ব্যৱস্থা গ্ৰহণ কৰা হ’ব বুলি চৰকাৰে জানিবলৈ দিয়ে। আইন অমান্যকাৰী যাবলগীয়া হ’ব পাৰে জে’ললৈ।