ডিজিটেল ডেস্কঃ আপুনি হয়তো বাহন ক্ৰয় কৰিব গলে বুজন পৰিমাণৰ ধনৰাশি হাতত লৈ যায়৷ নতুবা অত্যাধুনিক প্ৰযুক্তিৰে সেই বিশেষ ধনৰাশী পৰিশোধ কৰে৷ কিন্তু এগৰাকী যুৱকৰ কৰ্ম কাণ্ডই আপোনাৰ চকু কপালত তুলিব৷ ঘটনা সংঘটিত হৈছে তামিলনাডুত৷ তামিলনাডুৰ বি ভূপতি নামৰ যুৱকগৰাকীয়ে নিজ পচন্দৰ মটৰচাইকেল ক্ৰয় কৰিব যোৱাত অবাক হৈ পৰে শ্বো-ৰুমৰ সকলো কৰ্মচাৰী ৷ কাৰণ যুৱকগৰাকীয়ে মটৰচাইকেল ক্ৰয় কৰিবলৈ লগত লৈ গৈছিল ২.৬ লাখ ১ টকীয়া মুদ্ৰা ৷

তামিলনাডুৰ চালেম চহৰৰ আম্মাপেটৰ গান্ধী ময়দান অঞ্চলৰ বাসিন্দা বি ভূপতি নামৰ যুৱকএগৰাকীয়ে সংঘটিত কৰে এই ঘটনা৷ ভূপতিৰ পচন্দ ‘‘ডোমেনাৰ ৪০০’’ মটৰচাইকেল, কিনো বুলিয়ে কিনিব নোৱাৰে নিজৰ পচন্দৰ মটৰচাইকেল খন৷ যাৰ বাবে তেঁও এটকা এটকা কৈ তিনিবছৰত ২.৬ লাখ টকা জমা কৰে আৰু মটৰচাইকেল কিনিবলৈ স্বো-ৰুমত উপস্থিত হয়৷ স্বো-ৰুমৰ মেনেজাৰ গৰাকীয়ে জনোৱা অনুসৰি এই বুজন পৰিমাণৰ ধনৰাশি খিনি হিচাপ কৰিবলৈ ১০ ঘন্টা সময় লাগিছিল৷

ভূপতি পেচাত এগৰাকী ব্যক্তিগত কোম্পানীত কম্পিউটাৰ অপাৰেটৰ হিচাপে কৰ্মৰত৷ ইয়াৰ উপৰিও তেঁও নিজস্ব ইউটিউব চেনেল এটাও চলাই আছে৷ ভূপতিয়ে জনোৱা অনুসৰি তেঁও এই বুজন পৰিমাণৰ ধনখিনি সঞ্চয় কৰিবলৈ বহু সমস্যাৰ সন্মুখীন হ’ব লগাত পৰিছিল৷ কিয়নো এখন এখন কৈ টকাৰ নোট তেঁও খুচুৰা কৰি জমা কৰিছিল৷ ইয়াৰ বাবে ভূপতিয়ে মন্দিৰ, হোটেল আৰু চাহ দোকানত গৈ টকা খুচুৰা কৰিছিল৷ মটৰচাইকেল ক্ৰয় কৰাৰ সময়ত মেনেজাৰ গৰাকীয়ে মানি লোৱা নাছিল যদিও পিছলৈ তেঁও মান্তি হৈছিল আৰু এনেদৰেই ভূপতিৰ মটৰচাইকেল ক্ৰয় কৰা সপোন দিঠকত পৰিণত হয়৷ বৰ্তমান সামাজিক মাধ্যমত ব্যাপক চৰ্চিত বি ভূপতিৰ এই ব্যতিক্ৰমী কাণ্ডই ৷