আজিৰ সময়ত স্মাৰ্টফোন আমাৰ প্রয়োজন আৰু অভ্যাসত পৰিণত হৈছে, কিন্তু আমি দৈনন্দিন কাম-কাজত এনে বহু ভুল কৰো যাৰ ফলত গ্ৰীষ্মকালত ফোনটো বিস্ফোৰণ হোৱাৰ আশংকা বৃদ্ধি পাব পাৰে। ই সম্পূৰ্ণৰূপে নিৰ্ভৰ কৰে ফোনটোৰ ব্যৱহাৰৰ ওপৰত।

আপুনি কেনেকৈ আপোনাৰ স্মাৰ্টফোনটো বিস্ফোৰণৰ পৰা ৰক্ষা কৰিব পাৰিব?

বহু কাৰণত মোবাইল ফোন বিস্ফোৰণ হ’ব পাৰে, কিন্তু আটাইতকৈ সাধাৰণ কাৰণটো হৈছে শক্তি প্ৰদান কৰা লিথিয়াম-আয়ন বেটাৰীৰ সমস্যাৰ সৈতে জড়িত। প্ৰথম কথা হ’ল আপোনাৰ ফোনটোৰ লগত অহা চাৰ্জাৰ সদায় ব্যৱহাৰ কৰিব। সস্তীয়া বা নকল চাৰ্জাৰ ব্যৱহাৰ কৰিলে বেটাৰী অতিমাত্ৰা গৰম হয়, যাৰ ফলত ক্ষতিৰ সম্ভাৱনা বৃদ্ধি পায়।

দ্বিতীয়তে ফোনটো প্লাগত লগাই কেতিয়াও দীৰ্ঘ সময় ধৰি চাৰ্জ নকৰিব। ইয়াৰ বাবে বেটাৰীটো অতি গৰম হৈ পৰে যাৰ বাবে ই ফুটি যোৱাৰ সম্ভাৱনা থাকে। এবাৰ ফোনটো সম্পূৰ্ণ চাৰ্জ হ’লে অতিৰিক্ত চাৰ্জ নহ’বলৈ আনপ্লাগ কৰক।

ইয়াৰ বাহিৰেও আপুনি কৰিব পৰা তৃতীয় কামটো হ’ল আপোনাৰ ফোনটো প্ৰত্যক্ষ সূৰ্যৰ পোহৰ বা অত্যধিক গৰমৰ সংস্পৰ্শলৈ অহাৰ পৰা বিৰত ৰাখক, কিয়নো ইয়াৰ ফলত বেটাৰী অতিমাত্ৰা গৰম হ’ব পাৰে। লগতে ফোনটো বাৰে বাৰে পৰিবলৈ নিদিব।

বেটাৰী কেতিয়াও ৯০% তকৈ বেছি চাৰ্জ নকৰিব বা ২০% ৰ তললৈ নামিব নিদিব। ইয়াৰ বাহিৰেও বেটাৰী চাৰ্জ হৈ থকাৰ সময়ত মোবাইল ব্যৱহাৰ কৰা উচিত নহয়, ই বেটাৰী ফুটি যোৱাৰ কাৰণো হ’ব পাৰে। উচ্চ উষ্ণতাতো বেটাৰী চাৰ্জ নকৰিব।