হিকটি অভিজ্ঞতা নথকা মানুহ বিশ্বত বিৰল৷ শিশুৰ পৰা বৃদ্ধলৈ, পুৰুষ-মহিলা আটাইৰে জীৱনকালত কেতিয়াবা নহয় কেতিয়াবা হিকটিৰ অনুভৱ হোৱাটো এক স্বাভাৱিক পৰিঘটনা ৷
দেখা যায় মহিলাৰ তুলনাত পুৰুষৰ হিকটি বেচিকৈ আহে৷ সাধাৰণতে দিনটোৰ বিয়লি ভাগত হিকটি বেচিকৈ আহে৷ আমাৰ অসমীয়া লোক বিশ্বাসমতে হিকটি আৰু চৰ্চৰণি মানুহজনক
কোনোবাই আতঁৰৰ পৰা স্মৰণ কৰিলে আহে৷
. বেছিকৈ আৰু সঘনাই হিকটি যদি আহি আছে, তেনেহ’লে এচামুচ চেনি মুখত লৈ থাকক। হিকটি তৎক্ষণাত বন্ধ হ’ব।
. যদি কাৰোবাৰ একেৰাহে হিকটি আহি আছে, তেনেহ’লে তেওঁক হঠাতে ভয় খুৱাই চাওক। অন্যথা কিবা এটা নতুন কথা কৈ মনোযোগ আঁতৰাবলৈ চেষ্টা কৰক। এনে উপায়েৰেও হিকটি বন্ধ কৰিব পাৰি।
. তিনিটা জালুক, আধা চামুচ চেনি বা মিচিৰিৰ সৈতে চোবাই খাওক। জালুক খালে তৎক্ষণাত হিকটি বন্ধ হয়।
. এচামুচ নেমুৰ ৰসৰ লগত এচামুচ মৌ মিহলাই খালেও হিকটি বন্ধ হয়
. একাপ পানীত এচিকুট নিমখ মিহলাই খালেও হিকটি বন্ধ হ’ব।
. হাত দুখন টানকৈ মুঠি মাৰি দহ-পোন্ধৰ মিনিট থাকক। এনে কৰিলে মনোযোগ হিকটিৰ পৰা আঁতৰি যাব আৰু হিকটি বন্ধ হ’ব।