ডিজিটেল ডেস্কঃ ৰাছিয়া আৰু ইউক্ৰেইনৰ যুদ্ধৰ মাজতে অসমীয়া যুৱকৰ প্ৰশংসনীয় পদক্ষেপ। ইউক্ৰেইনৰ ৰাষ্ট্ৰপতি গৰাকীৰ বীৰত্ব আৰু সাহসৰ সন্মান জনাই মুকলি কৰে এটা নতুন চাহ ব্ৰেণ্ড। অসমৰ এটা ষ্টাৰ্টআপ সংস্থাই জেলেনস্কি নামৰ চাহ ব্ৰেণ্ডৰ সম্প্ৰতি মুকলি কৰিছে। এৰোমেটিক টিৰ সঞ্চালক ৰঞ্জিত বৰুৱাই জনোৱা অনুসৰি বুধবাৰে অসম চিটিচিৰ শক্তিশালী চাহ ‘জেলেনস্কি’ চাহ ব্ৰেণ্ডটো মুকলি কৰে। এই চাহ ব্ৰেণ্ডটো খোলাৰ মূল উদ্দেশ্য হৈছে ইউক্ৰেইনৰ ৰাষ্ট্ৰপতিৰ বীৰত্ব আৰু সাহসক সন্মান জনোৱা। ইউক্ৰেইনৰ ওপৰত ৰাছিয়াই কৰা আক্ৰমণত একপ্ৰকাৰ ধ্বংসস্তুপত পৰিণত হৈছে ইউক্ৰেইনৰ অধিকাংশ চহৰ।

যুদ্ধত মৃত্যু হৈছে দেশৰ অসংখ্য সাধাৰণ নিৰীহ লোকৰ। দেশ এৰি পলায়ন কৰিছে বহু লোকে। একাংশই কিন্তু যুদ্ধবিধ্বস্ত ইউক্ৰেইনৰ পৰা পলাই যাবলৈ আমেৰিকা যুক্তৰাষ্ট্ৰৰ প্ৰস্তাৱ নাকচ কৰিছিল। জেলেনস্কিয়ে কৈছে যে তেওঁক কাৰো আশ্ৰয় নালাগে, যদি পাৰে আমাক গোলা-বাৰুদেৰে সহায় কৰক। ভয়াবহ আক্ৰমণৰ পিছতো এইগৰাকী ৰাষ্ট্ৰপতিয়ে শত্ৰুৰ সৈতে যুঁজ দি আছে। জেলেনস্কিৰ এই চৰিত্ৰই সকলোৰে আগত বীৰত্বৰ প্ৰদৰ্শন কৰিছে। লগতে বৰুৱাই জনায় যে, “আমি তেওঁৰ সাহস আৰু বীৰত্বক সন্মান জনাবলৈ এই চাহৰ নাম জেলেনস্কিৰ নামেৰে নামাকৰণ কৰিছো।