আমলখি এবিধ ঔষধি গুণসম্পন্ন গছ। বাৰিষা কালত আমলখি গছত ফুল আৰু ফল ধৰে। ফলবোৰ খৰালি কালতহে পুৰঠ হয়। টেঙা জাতীয় আমলখিৰ প্ৰায় সকলো ৰোগ আৰোগ্য কৰাৰ ক্ষমতা আছে। ই আমাৰ শৰীৰৰ বিভিন্ন ৰোগ প্ৰতিৰোধ কৰা শক্তি বৃদ্ধি কৰে। এটা ভাল আমলখিয়ে এটা কুকুৰা কণী বা এগিলাছ গাখীৰতকৈ ভাল ফল দিয়ে।
বিভিন্ন ৰোগ আৰোগ্যত আমলখিৰ ব্যৱহাৰ তলত দিয়া হ’ল –
১) মুৰ কামোৰণিত আমলখিৰ ৰস বগা চন্দনৰ লগত মিহলি কৰি কপালত সানিলে মুৰ কামোৰণি ভাল হয়।
২) চুলি সৰিলে কেইটামান আমলখি থেতেলিয়াই এৰাতি মুৰত বান্ধি ৰাখিলে চুলি সৰা বন্ধ হয়।
৩) ছাল নিমজ কৰিবলৈ প্ৰতিদিনে ৪/৫ টা আমলখি খালে অতি চমৎকাৰ ফল পোৱা যায়।
৪) মুৰত উফি হ’লে আমলখি, শিলিখা আৰু ভোমোৰা গুটিৰ ৰস উলিয়াই মুৰত সানিব লাগে।
৫) অকালতে চুলি পকা অকালতে চুলি নপকিবৰ কাৰণে আৰু আয়ুস ব্ৰিদ্ধিৰ কাৰণে নিতৌ গা ধোৱাৰ আগতে ৫-৬ টা আমলখি পিহি মুৰত সানি পিহি ধুব লাগে। আৰু আমলখিৰ ৰস মৌৰ সৈতে খালে আয়ুস বাঢ়ে।
৬) দৃষ্টিশক্তি বৃদ্ধিৰ কাৰণে নিয়মীয়াকৈ দুটা বা তিনিটা আমলখিৰ ৰস মৌৰ লগত ৰাতিপুৱা খালে দৃষ্টিশক্তি বৃদ্ধি পায়।
৭) হৃদৰোগ: আমলখিৰ ৰস ৫-৬ চামুচ আধা গিলাচ গৰুৰ গাখীৰৰ লগত মিহলাই নিয়মিত খালে এই মাৰাত্মক ৰোগ ভাল হয়।