পুৱাৰ ভাগত বহুতৰে বাবে সময় অতি কম থাকে, বহুতে খোৱাৰ বাবেও অতি খৰধৰ কৰা দেখা যায়৷ সেইবাবেই আমি সকলোৱে এনে ব্যঞ্জন বিচাৰো যিবোৰ প্ৰস্তুত কৰাটো সহজ আৰু লগতে সোনকালে তৈয়াৰ কৰিব পৰা যায়৷ পৰিয়ালৰ কোনো লোকে যদি নিজৰ কামৰ বাবে ওলাই যাব লগা হয় তেন্তে সোনকালে কিবা এটা বনাই খুৱাই পঠাব পাৰিলে ভাল লাগে৷ কিন্তু কেতিয়াবা ইমান বেছি কাম থাকে বা কেতিয়াবা কোনো কাৰণত শুই উঠা পলম হ’লে নোখোৱাকৈয়ে গুচি যাব লগা হয়৷ গতিকে আহকচোন জানি লওঁ আজি আমি আপোনজনৰ বাবে বা পৰিয়ালৰ বাবে অতি সহজতে আৰু প্ৰায় ১০ মিনিটৰ ভিতৰতে বনাই খোৱাব পৰা কিছু সহজ ৰেচিপি৷
. ৰাতি ৰৈ যোৱা ভাত যদি থাকে তেন্তে তাৰ পৰাও আমি তৈয়াৰ কৰিব পাৰোঁ সুস্বাদু খাদ্য৷ প্ৰথমে এটা বাটিত অলপ ভাত লৈ ল’ব, তাত কটা বিলাহী, কটা গাজৰ আৰু কটা পিঁয়াজৰ লগতে ৰঙা জলকীয়া দিব ৷ ইয়াত আপোনাৰ পছন্দ অনুসৰি যিকোনো ধৰণৰ শাক-পাচলি দিব পাৰে৷ ইয়াৰ পিছত চাট মছলা আৰু নিমখ ৰুচি অনুসৰি দিব৷ এতিয়া তাৰ ওপৰত কিছু কটা পিঁয়াজ ছটিয়াই দিব ৷তাৰ পিছত ৪খন ব্ৰেডৰ টুকুৰা লৈ পানীত ডুবাই ল’ব৷ এতিয়া ব্ৰেডখিনি দুহাতেৰে পানীখিনি চেপি উলিয়াই মিশ্ৰণখিনিত মিহলাই লওক৷ এতিয়া সকলোখিনি ভালদৰে হাতেৰে মিহলাই লওক৷ তাৰ পাছত গেছৰ ওপৰত পেন বা টেৱা এখন ৰাখক তাত তেল দি গৰম হ’বলৈ দিব৷ তেলখিনি গৰম হোৱাৰ পিছত এতিয়া পেনখনত মিশ্ৰণ খিনি ঢালি মেলি দি সিজিবলৈ দিব৷ দুয়োফালে সোণালী বৰণৰ হোৱালৈকে সিজাই লওক৷ আৰু শেষত পৰিয়ালৰ সৈতে গ্ৰহণ কৰক৷
. ৰাতিৰ ভাত ৰৈ গলে পিছদিনা নিজ পছন্দৰ পাচলি কাটি গৰম তেলত ভাজি তাত ভাতখিনি দি সোৱাদ অনুযায়ী নিমখ, হালধী, মছলা দি ধুনীয়াকৈ দি পিছত খাব পাৰে৷
. ঘৰত যদি ব্ৰেড, কণী থাকে তেন্তে বনাব পাৰে এবিধ সুস্বাদু খাদ্য৷ ব্ৰেড কেইখন অলপ গৰম কৰি, কণী কেইটা আমলেট বনাই ব্ৰেজৰ মাজত দি তাত বিলাহী অলপ কাটি দি যিকেনো চাটনিৰ সৈতে গ্ৰহণ কৰিব পাৰে৷