আমি নিয়মীয়াকৈ লোৱা নখৰ যতনে নখৰ স্বাস্থ্য উন্নত কৰাৰ লগতে হাত দুখনো দেখিবলৈ ধুনীয়া হয়। নখৰ যতন লোৱাটো স্বাস্থ্যসন্মতভাৱে উচিত, কিয়নো, তেনে কৰিলে হাত দুখন চাফা হৈ থাকে বাবে বহু ৰোগৰ পৰা হাত সাৰিব পাৰি। আনহাতে আমি যদি দুখন সুন্দৰ হাতৰ কল্পনা কৰোঁ, তেতিয়া তাত নখৰ ভূমিকা অতি গুৰুত্বপূৰ্ণ। বিশেষকৈ মহিলাসকলে নখ আকৰ্ষণীয়কৈ ৰাখিব বিচাৰে বাবে নখৰ স্বাস্থ্য ভাল হোৱাটো প্ৰয়োজন।

. নখ কটাৰ আগতে সদায় হাত দুখনৰ আঙুলিকেইটা পানীত তিয়াই ল’ব লাগে। এনে কৰিলে নখ কাটিবলৈ সুবিধা হয়। বজাৰত উপলব্ধ নেইল ফাইলৰ জৰিয়তে নখত ঘঁহাই নখক সুন্দৰ আকাৰ দিব পাৰি।

. সকলোৰে ঘৰত নহৰু সহজলভ্য। এফুটা নহৰু লৈ মাজেৰে দুফাল কৰি লৈ নখৰ ওপৰত ঘঁহিব লাগে। এখন হাতৰ নখত পাঁচ মিনিটমান ঘঁহা উচিত। এনে কৰিলে আপোনাৰ নখ ধুনীয়া হোৱাৰ লগতে হাত দুখনো দেখিবলৈ ধুনীয়া হ’ব৷

. ৰাতি শুবলৈ যোৱাৰ আগতে হাত-ভৰি-নখত সামান্য অলিভ অইল লগাই দহ মিনিটমান মালিচ কৰিব। এনে কৰিলে আপোনাৰ নখকেইটা কেৱল স্বাস্থ্যৱানেই নহ’ব, বৰঞ্চ নখকেইটা উজ্জ্বল হৈ হালধীয়া ভাবো নোহোৱা হ’ব। তিনি চামুচ অলিভ অইল এটা সৰু বাটিত লৈ তাত এচামুচ নেমুৰ ৰস দিয়ক। এতিয়া এই মিশ্ৰণটো সামান্য গৰম কৰি নখকেইটা পাঁচ মিনিটমান ডুবাই ৰাখিব।

. নখ সুস্থ, সুন্দৰ আৰু দীঘল কৰিবলৈ ছয়াবিন, কণী, ব্রকলি, পালং শাকৰ দৰে আয়ৰন সমৃদ্ধ খাদ্য খোৱা প্রয়োজন। যাৰ ফলত আপোনাৰ নখকেইটা উজ্জ্বল হৈ উঠিব৷