উজ্জ্বল আৰু ঘন চুলিৰ গৰাকী হবলৈ আমি সকলোৱে বিচাৰো, নহয় জানো? সকলোৱে নিজৰ চুলিখিনিৰ যতন লবলৈ বিভিন্ন ধৰণৰ উপায় অৱলম্বন কৰে।পুৰুষ মহিলা উভয়ে সুন্দৰ চুলিৰ গৰাকী হোৱাৰ বাবে বিভিন্ন ধৰণে ঘৰতে চুলিৰ যতন ল’বলৈ বিভিন্ন চেম্পুৰ প্ৰয়োগ কৰে। কিন্তু তেনে কৰাৰ ফলত চুলিত নানা ধৰণৰ ৰাসায়নিক দ্ৰব্য প্ৰয়োগ কৰাৰ বাবে আমাৰ নানা ধৰণৰ পাৰ্শ্বক্ৰিয়া হোৱা দেখা যায়। বৰ্তমান সময়ত অকালতে চুলি পকি যোৱা, সৰি যোৱা আদি সমস্যাই দেখা দিছে। বিভিন্ন কাৰকৰ বাবে এই চুলি সৰা, চুলি পকা, উফি আদিৰ সমস্যাই দেখা দিয়ে। গতিকে উফিৰ সমস্যুাই দেখা দিলে ঘৰুৱাভাৱে আমি কি কৰিব পাৰোঁ চাওঁ আহক-
১. তেল হিচাপে আমি বজাৰত উপলব্ধ বিভিন্ন ব্ৰেণ্ডৰ তেলসমূহতকৈ ঘৰতেই তেল প্ৰস্তুত কৰি লগাব পাৰো। জিৰাৰ তেল, এৰাগুটিৰ তেল আৰু তিলতেল সমপৰিমাণে মিহলাই প্ৰতিদিনে আপোনাৰ চুলিকোছা ধোৱাৰ পিছত চুলিত এচামুছমানকৈ ভালদৰে চুলিৰ চালত লগাকৈ ব্যৱহাৰ কৰা যায় তেন্তে নতুন চুলিসৰা, উফিৰ সমস্যা নাইকিয়া হয়।
২. উফিৰ সমস্যাৰ পৰা পৰিত্ৰাণ পাবলৈ চুলিত ৰিঠাগুটিৰে যদিহে চুলিখিনি চাফা কৰা হয় তেন্তে এই সমস্যাৰ পৰা পৰিত্ৰাণ পাব পাৰি ।
৩. মেঠিগুটি ৰাতিটো তিয়াই ৰাখি পিছদিনা সেই পানীৰে চুলি ধুলে উফিৰ সমস্যা নাশ হয়।
৪. কণীৰ কুহুমৰ লগত মৌ মিহলাই লগালে চুলিৰ বৃদ্ধি হ’ব আৰু আপুনি উফিৰ সমস্যাৰ পৰা মুক্তি লাভ কৰিব।