‘SMOKE PAAN’ বিপদৰ কাৰণ হৈ পৰিল ১২ বছৰীয়া এগৰাকী কিশোৰী আৰু পৰিয়ালটোৰ বাবে। আচলতে কিশোৰীগৰাকীৰ পেটৰ বিষ হ’বলৈ আৰম্ভ হৈছিল লিকুইড নাইট্ৰ’জেন পান খোৱাৰ পিছত। ইয়াৰ পিছতে কিশোৰীগৰাকীৰ পৰিয়ালে চিকিৎসালয়লৈ লৈ যায়। ইয়াৰ পিছতে চিকিৎসকে কিশোৰীগৰাকীক পৰীক্ষা কৰে, পোহৰলৈ আহে ভয়ংকৰ ঘটনা। ৰিপৰ্ট দেখি পৰিয়ালৰ লোক স্তম্ভিত হৈ পৰে। ডাক্তৰে কয় যে কিশোৰীগৰাকীৰ পেটত এটা ফুটা আছে।
এই ঘটনাটো বেংগালুৰুৰ। উল্লেখযোগ্য যে পৰিয়ালটোৱে এখন বিয়া খাবলৈ গৈছিল আৰু তেতিয়াই তাত ‘SMOKE PAAN’ খাইছিল কিশোৰীগৰাকী। পান খোৱাৰ পিছৰে পৰা পেটৰ যথেষ্ট বিষ আৰম্ভ হয় কিশোৰীগৰাকীৰ। যাৰবাবে হাস্পাতাললৈ লৈ যোৱাৰ পিছতে ভয়ংকৰ ঘটনাটো পাহৰলৈ আহে আৰু ইয়াৰ পিছতে ততাতৈয়াকৈ চিকিৎসকে অস্ত্ৰোপচাৰ কৰি সংক্ৰমিত অংশটো আঁতৰাই পেলায়। ৬ দিন চিকিৎসালয়ত ৰখাৰ পিছতে কিশোৰীগৰাকীক ঘৰলৈ যাবলৈ দিয়ে।
এই ঘটনাই স্বাভাৱিকতে সৃষ্টি কৰিছে চাঞ্চল্যৰ।