অম্বুবাচী মেলালৈ মাজত মাত্ৰ কেইটামান দিন বাকী। শক্তিপীঠ কামাখ্যা মন্দিৰত অম্বুবাচী মেলাৰ বাবে প্ৰস্তুতি তুংগত উঠিছে। অম্বুবাচীত তীৰ্থ যাত্ৰীক আদৰবলৈ সাজু হৈছে কামাখ্যা দেৱালয় কৰ্তৃপক্ষ৷
২২ জুনৰ পৰা প্ৰবৃতি হ’ব অম্বুবাচীৰ আৰু ২৬ জুনত হ’ব নিবৃত্তি৷ অম্বুবাচী মেলা উপলক্ষে অসমৰ বিভিন্ন প্ৰান্তৰ লগতে দেশৰ আন প্ৰান্তৰ পৰাও কামাখ্যা ধামলৈ ভক্ত আৰু সাধু–সন্ন্যাসীৰ আগমন হয়৷
অম্বুবাচীৰ প্ৰবৃত্তিৰ লগে লগে কামাখ্যা ধামৰ দুৱাৰ বন্ধ ৰখা হয়৷ ফলস্বৰূপে, সেইকেইদিন দেৱী দৰ্শন নিষিদ্ধ৷ চতুৰ্থ দিনত মন্দিৰ খোলাৰ লগে লগে দেৱীৰ স্নান, পূজা, প্ৰভৃতি সমাপন হোৱাৰ পৰাহে দৰ্শকে দেৱীক দৰ্শন কৰিব পাৰে ৷