ডিজিটেল ডেস্কঃ এগৰাকী যুৱকৰ দুৰ্দান্ত সাহসেৰে কৰা কাৰ্য্যই চকু কপালত তুলিব আপোনাক৷ দাউ দাউ কৈ জ্বলি থকা জ্বলন্ত অঙঠা ভক্ষন কৰিব পাৰে এইগৰাকী মাজুলীৰ সু-সন্তান ৰিদিপ শইকীয়াই৷ যোৰহাটৰ মাজুলীত ০১/১০/১৯৮৯ চনত জন্ম গ্ৰহণ কৰা ৰিদিপে ২০১২ বৰ্ষৰ ২৫ এপ্ৰিল তাৰিখে ২৬ টাকৈ জুইৰ অঙঠা ২ মিনিট ৩০ ছেকেণ্ড সময়ত খাই “India Book Of Records”ত নিজৰ নাম অন্তৰ্ভূক্ত কৰিবলৈ সক্ষম হয়৷ লগতে ২০১২ বৰ্ষৰ ৩ ফ্ৰেব্ৰুৱাৰী তাৰিখে তেওঁ ২ মিনিট ৩০ ছেকেণ্ডত ২৫ টা অঙঠা খাই “Asia Books Of Record”ত নিজৰ নাম অন্তৰ্ভূক্ত কৰে৷

চলিত বৰ্ষত “Guinness World Records”ত নিজৰ নাম অন্তৰ্ভুক্ত কৰিবলৈ ৰিদিপ শইকীয়াই হাতত লৈছে বিশেষ পদক্ষেপ৷ মঙ্গলবাৰে কটন বিশ্ববিদ্যালয় আছু গোটৰ উদ্যোগত ৰিদিপ শইকীয়াই জলন্ত আঙঠা আৰু জুই ভক্ষন কৰে৷ লগতে তেওঁৰ এই সিদ্ধান্তত সহায়ৰ বাবে ৰাজ্য চৰকাৰক অনুৰোধ জনাইছে৷