আজি আমি আপোনালোকক ক’ম পৃথিৱীৰ এনে কিছুমান ঠাইৰ বিষয়ে য’ত চেলফি লোৱাৰ বাবে জৰিমনা বিহা হ’ব পাৰে।

মানুহে যেতিয়াই ক’ৰবাত ভ্ৰমণ কৰিবলৈ যায় তেতিয়াই ফটো উঠাতো এটা অভ্যাসত পৰিণত হৈছে। কিন্তু আপুনি জানেনে পৃথিৱীৰ এনে কিছুমান ঠাই আছে য’ত ফটো উঠিলে জৰিমনা ভৰিব লাগে।

ডুবাই (ইউনাইটেড আৰব আমিৰশ্বাহী)- পৰ্যটনস্থলীত ব্যক্তিগত ব্যৱহাৰৰ বাবে ফটো তোলাত সাধাৰণতে কোনো বাধা নাই যদিও কোনো ব্যক্তিৰ সন্মতি অবিহনে ফটো তোলাটোৱে ইউ এ ইৰ গোপনীয়তা আইন উলংঘা কৰে। ইয়াৰ বাবে ৫ লাখ এডি (১,১৬,২৫,৭৫৫ টকা) জৰিমনা আৰু আনকি ৬ মাহৰ কাৰাদণ্ডও হ’ব পাৰে। চৰকাৰী এলেকা, সামৰিক চাউনী, ৰাজপ্ৰসাদত কেমেৰাৰ অনুমতি নাই।

জাপান – মন্দিৰ আৰু পৰম্পৰাগত স্থানসমূহত কেমেৰা কঠোৰভাৱে নিষিদ্ধ। জাপানৰ গেইছা অঞ্চলত (যেনে কিয়’ট’ৰ জিঅ’ন) আটাইতকৈ বেছি সাৱধানতা অৱলম্বন কৰিব লাগে। অনুমতি অবিহনে ফটো বা চেলফি লোৱাৰ জৰিমনা ১০ হাজাৰ ¥ (৬০০০ টকা) পৰ্যন্ত হ’ব পাৰে।

ইটালীৰ পৰ্টোফিনো – এই স্থানসমূহত “নো-ৱেইটিং জ’নত” ফটো তোলা, ৰৈ থকা আৰু চেলফি তোলা নিষিদ্ধ। ভুলতে ইয়াত থিয় হৈ বা ক্লিক কৰিলে জৰিমনা ২৭৫ ইউৰো (২৭ হাজাৰ টকা) পৰ্যন্ত হ’ব পাৰে।

দক্ষিণ কোৰিয়া – ‘Right to Face’ আইন প্ৰযোজ্য, কাৰোবাৰ চিনাক্তকৰণযোগ্য ফটো তোলাটো অবৈধ। যদি আপুনি ইয়াৰ অভিযোগ কৰে তেন্তে আপুনি আইনী ব্যৱস্থাৰ আওতালৈ আহিব পাৰে। আনকি পঞ্জীয়নবিহীন চেলফি ষ্টিক এটাও ধমক দিয়াৰ কাৰণ হ’ব পাৰে।