অত্যাধিক গৰম হ’লেই দেখা যায় যে একাংশ লোকৰ মূৰৰ বিষ হ’বলৈ ধৰে। অতিপাত গৰম অথবা ৰ’দ দিলেই কিয় মূৰৰ বিষ হয়, যাৰবাবে সমস্যাৰ সৃষ্টি হয়। আচলতে কিয় গৰমত মূৰৰ বিষ অত্যাধিক হয়?

গৰমৰ দিনত মূৰৰ বিষ আৰু মূৰ ঘূৰোৱাৰ সাধাৰণ কাৰণ হৈছে-
১) পানী কমকৈ খোৱা
পৰ্যাপ্ত পৰিমাণে পানী নোখোৱাটো মূৰৰ বিষৰ অন্যতম প্ৰধান কাৰণ। যেতিয়া আপুনি পৰ্যাপ্ত পৰিমাণে নাখায় তেতিয়া আপোনাৰ মগজু সাময়িকভাৱে সংকুচিত হ’ব পাৰে, যাৰ ফলত বিষ আৰু অস্বস্তিৰ সৃষ্টি হ’ব পাৰে।

২) প্ৰত্যক্ষ ৰ’দৰ সংস্পৰ্শলৈ অহা
সূৰ্যৰ পোহৰত বেছি সময় কটালে ৰ’দৰ সংস্পৰ্শলৈ আহিলে মূৰৰ বিষ হ’ব পাৰে। গৰমৰ ফলত মগজুৰ ৰক্তবাহী নলীবোৰ প্ৰসাৰিত হৈ বিষ আৰু কেতিয়াবা মূৰ ঘূৰাব পাৰে।

৩) ক্লান্তি
ঘামৰ ফলত শৰীৰে অত্যাধিক পানী আৰু নিমখ বাহিৰ কৰিলে এই অৱস্থাৰ সৃষ্টি হয়। লক্ষণসমূহ হ’ল ভাগৰুৱা, দুৰ্বলতা, মূৰ ঘূৰোৱা আৰু গৰমৰ ফলত মূৰৰ বিষ।

৪) ইলেক্ট্ৰলাইটৰ ভাৰসাম্যহীনতা
অত্যধিক ঘাম ওলোৱাৰ ফলত শৰীৰৰ পৰা ছ’ডিয়াম আৰু পটাছিয়ামৰ দৰে প্ৰয়োজনীয় খনিজ পদাৰ্থ বাহিৰ হৈ যায়। এই ভাৰসাম্যহীনতাই স্নায়ু আৰু পেশীৰ কাম-কাজত ব্যাঘাত জন্মাব পাৰে, যাৰ ফলত গ্ৰীষ্মকালত মূৰৰ বিষ আৰু মূৰ ঘূৰোৱা হ’ব পাৰে।

৫) মাইগ্ৰেইনত আক্ৰান্ত লোকসকলৰো গৰমৰ দিনত অত্যাধিক মূৰৰ বিষ হ’ব পাৰে।