সত্ৰীয়া সংস্কৃতিৰ প্ৰচাৰ-প্ৰসাৰ তথা নৱপ্ৰজন্মক সত্ৰীয়া সংস্কৃতিৰ শিক্ষাৰে শিক্ষিত কৰাৰ বাবে নিৰন্তৰ কাম কৰি থকা শিৱসাগৰৰ ভংগীমা কলা কেন্দ্ৰৰ উদ্যোগত শুকুৰবাৰে সন্ধিয়া আয়োজন কৰা হয় ‘চতুৰংগ’ শীৰ্ষক এক মনোজ্ঞ নৃত্যানুষ্ঠান। শিৱসাগৰৰ সংবাদদাতাই যুগুত কৰা তথ্য অনুসৰি শিৱসাগৰৰ যুৱদল প্ৰেক্ষাগৃহত আয়েজিত এই অনুষ্ঠানত কলা কেন্দ্ৰৰ শিল্পীসকলে সত্ৰীয়া নৃত্য, কথক নৃত্যকে ধৰি বহুকেইটি নৃত্যানুষ্ঠান পৰিৱেশন কৰে। অনুষ্ঠানটোৰ আঁত ধৰে অমৰজ্যোতি দত্তই। অনুষ্ঠানটোত শিৱসাগৰৰ বহু গণ্য মান্য ব্যক্তি বিশিষ্ট অতিথি হিচাপে উপস্থিত থাকে। এই অনুষ্ঠানটিৰ জৰিয়তে উঠি অহা প্ৰজন্মই সত্ৰীয়া সংস্কৃতিৰ প্ৰতি অধিক আকৰ্ষিত হ’ব বুলি মত প্ৰকাশ কৰে ভংগীমা কলা কেন্দ্ৰৰ সঞ্চালিকা প্লাৱিতা বৰঠাকুৰে।